वणी (नाशिक) - वणी- नाशिक रस्त्यावरील श्रीहरी रेस्टॉरंट जवळ मोटरसायकल आणि पिकअपचा अपघात होऊन निळवंडी, ता. दिंडोरी येथील एक युवक ठार, तर त्याचे दोन चुलत भाऊ जखमी झाले आहे..याबाबत सविस्तर वृत्त असे की, आज शुक्रवार ता. 3 रोजी सायंकाळी साडेपाच वाजेच्या सुमारास वणी-नाशिक मार्गावर ओझरखेड धरणाच्या सांडव्याजवळ असलेल्या श्रीहरी रेस्टॉरंट समोर सप्तशृंगी गडावरून दर्शन घेऊन घराकडे जाणारे दुचाकीस्वार दुचाकी क्रमांक MH 15 HP7342 व दिंडोरी कडून वणीच्या दिशेने जाणारी महिंद्रा पिकप क्रमांक MH 15 JW 5717 यांचा अपघात झाला..यात दुचाकी वर असलेला अमोल भगवंत गवारी (वय-21) हा युवक ठार आहे. तर त्याच्यासोबत असलेले अनिल सुखदेव गवारी वय 25 व गोपी सुरेश गवारी वय 20 हे दोघे जखमी झाले आहे. हे तिघेही निळवंडी, ता. दिंडोरी, जि. नाशिक येथील रहिवासी असून ते एकमेकांचे चुलत बंधू आहे..जखमींवर वणी ग्रामीण रुग्णालय येथे प्राथमिक उपचार करून पुढील उपचारासाठी पिंपळगाव येथे हलविण्यात आले. सदर अपघाताची वणी पोलिसांनी नोंद करण्याचे काम रात्री उशिरापर्यंत सुरू होते..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
