Nashik : संततधारेने शहरात रस्त्यांची चाळण; खड्ड्यांमुळे अपघातात वाढ | Latest Rain Marathi News | Sakal
sakal

बोलून बातमी शोधा

Potholes on service road latest rain news

Nashik : संततधारेने शहरात रस्त्यांची चाळण; खड्ड्यांमुळे अपघातात वाढ

नाशिक : गेल्या चार दिवसांपासून सुरू असलेल्या संततधार पावसामुळे (Constant Rain) शहरातील बहुतांशी रस्ते (Road damaged) उखडले असून, रस्त्यांची चाळण झाली आहे. रस्त्यांच्या या दुरवस्थेचा वाहतुकीवर परिणाम होतो आहे. जागोजागी खड्डे पडल्याने अपघाताच्या घटनाही घडत आहेत.

तर, मुंबई- आग्रा महामार्गावरील सर्व्हिस रोडवर ठिकठिकाणी निचरा होत नसल्याने पावसाचे पाणी साचून तळ्याचे स्वरूप आलेले आहे. (Roads flooded in city with constant rain stream Increase in accidents due to potholes Nashik Latest Rain Marathi News)

संततधार पावसामुळे ओढे- नाल्याप्रमाणेच रस्तेही वाहून निघाले आहेत. मात्र, या संततधारेमुळे अनेक ठिकाणी रस्त्यांची दुरवस्था झाली आहे. ठिकठिकाणी खड्डे पडून रस्त्यांची अक्षरश: चाळण झाली आहे. या खड्ड्यांमध्ये पावसाचे पाणी साचून राहते.

त्यामुळे वाहनचालकाला रस्त्यावरील खड्ड्यांचा अंदाज वाहन चालविताना येत नाही. परिणामी खड्ड्यात वाहने जाऊन अपघाताच्या घटना घडत आहेत. संभाजी चौकाकडून त्रिमूर्ती चौकाकडे जाणाऱ्या रस्त्यावर संभाजी चौक, सीटी सेंटर मॉल सिग्नल, उंटवाडी चौक, दत्तमंदिर चौक या ठिकाणी रस्त्यावर खड्डेच खड्डे झाले आहेत.

तसेच, त्र्यंबक रोडवरील सिबल चौकातून बॉईज टाऊन शाळेकडे जाणाऱ्या रस्त्याची पावसाने दुरवस्था झाली आहे. तर, जुन्या पोलिस आयुक्तालयाकडून बॉईज टाऊन शाळेकडे येणाऱ्या रस्त्यावर तर अतिशय धोकादायक असे खड्डे तयार झाले आहेत.

चारचाकी वाहनचालकालाही वाहन चालविताना कसरत करावी लागते. तर, दुचाकीस्वारांसाठी धोकादायक झाले आहे. अनेक दुचाकीस्वारांना खड्ड्यांचा अंदाज न आल्याने अपघात होत आहेत. अशी अवस्था शहरातील उपनगरी रस्त्यांची झाली आहे.

हेही वाचा: वाहss गुरुजी! 7 वर्षांपासून भरताय विद्यार्थ्यांचा आरोग्यविमा

वाहतूक कोंडी नित्याचीच

संततधार पावसामुळे द्वारका सिग्नल, मुंबई नाका, त्र्यंबक नाका, सीबीएस चौक, मेहेर सिग्नल, एमजी रोड, रविवार कारंजा, गंजमाळ सिग्नल या ठिकाणी वाहतूक कोंडी नित्याचीच झाली आहे. एमजी रोडवर बेशिस्त वाहनांची पार्किंग केली जाते.

तर, वाहतूक शाखेकडून दुचाकींची टोइंग केली जाते. परंतु, वाहतुकीला अडथळा ठरणाऱ्या चारचाकी वाहनांवर कोणतीही कारवाई होत नाही. त्यामुळे वाहतूक कोंडी होऊन वाहनचालकांना मनस्ताप सहन करावा लागतो. तशीच स्थिती सीबीएस चौक ते अशोक स्तंभ स्मार्ट रोडवर असते.

सायकल ट्रॅकवर चारचाकी वाहनांची पार्किंगचीच रांग लागलेली असते. याच रांगेलगत अनधिकृतरीत्या चारचाकी वाहने पार्क केल्याने वाहतुकीला रस्ता अरुंद होऊन वाहतूक कोंडी होते. मेहेर सिग्नल ते सीबीएस सिग्नलपर्यंत वाहनांच्या रांगा लागलेल्या होत्या.

सीबीएस खड्डेमय

मध्यवर्ती जुन्या सीबीएस बसस्थानकात पावसामुळे अक्षरश: खड्ड्यांची चाळण झाली आहे. बसस्थानक आवारातून बस चालविणे चालकांना या खड्ड्यांमुळे जिकिरीचे झाले आहे. बसस्थानकाच्या प्रवेशद्वारावरच मोठमोठे खड्डे पडल्याने चालकांना मोठी कसरत करावी लागते आहे.

हेही वाचा: MUHSच्‍या उद्यापासून लेखी परीक्षा

Web Title: Roads Flooded In City With Constant Rain Stream Increase In Accidents Due To Potholes Nashik Latest Rain Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top