Vaccination Drive : नाशिक जिल्ह्यात लाळ खुरकूत लसीकरण मोहीम पुर्ववत

Vaccination
Vaccinationesakal

नाशिक : राज्य शासकीय कर्मचाऱ्यांनी पेन्शनच्या मागणीसाठी पुकारलेल्या संपामुळे थंडावलेली लाळ खुरकूत लसीकरण मोहीम पुर्ववत सुरू झाली आहे. या मोहिमेंतंर्गत नाशिक जिल्ह्यातील पशुधनासाठी १० लाख ४ हजार सातशे लसमात्रा प्राप्त झाल्या असून जिल्ह्यातील पशुपालकांनी आपल्याकडील सर्व गायी, म्हशी, बैले, रेडे, तीन महिन्यांवरील वासरे/पारडे यांना लसीकरण करून घेत आहेत, अशी माहिती जिल्हा पशुसंवर्धन अधिकारी डॉ. विष्णू गर्जे यांनी केले आहे.

Vaccination
Nashik News: नाशिक शहरात धावणार पिंक रिक्षा; या तारखेपासून नाशिककरांच्या सेवेत

केंद्र शासनाच्या सहकार्याने संपूर्ण भारतात लाळ खुरकूत लसीकरण मोहीम राबविली जात आहे. गेल्या आठवड्यात राज्य शासकीय कर्मचाऱ्यांनी जुन्या निवृत्ती वेतनाच्या मागणीसाठी संप पुकारला होता. तेव्हा हे लसीकरण रखडले होते. मात्र, आता संप मागे घेतला गेल्याने लसीकरण पुर्ववत सुरु झाले आहे.जिल्ह्यात एकूण गाय वर्गीय व म्हैस वर्गीय पशुधन संख्या ११ लाख १६ हजार २८४ एवढी आहे.

Vaccination
Corona Vaccine : धक्कादायक! कोरोनाची लस बनवणाऱ्या शास्त्रज्ञाची बेल्टनं गळा आवळून हत्या

जिल्ह्यातील गो/म्हैसवर्गीय पशुधनाचे विषाणुजन्य लाळ खुरकूत रोग प्रतिबंधक लसीकरणासाठी लसमात्रा पशुवैद्यकीय संस्था स्तरावर वाटप करण्यात आलेल्या आहेत. हा आजार पशूंसाठी मोठ्या प्रमाणात हानी पोहोचवतो, तोंडात/पायात जखमा, ताप, गर्भपात, लहान वासरात मरतूक, उत्पादनात प्रचंड घट इ. परिणाम दृष्य स्वरूपात दिसतो. यामुळे पशूंचे व पर्यायाने पशुपालकांचे मोठे आर्थिक नुकसान होते.

Vaccination
Vaccination Drive : लाळ खुरकूत रोगप्रतिबंधक लसीकरण करण्याचे आवाहन

लसीकरण थंड वेळेत करणे फायदेशीर असल्याने सर्व पशुपालकांनी याकरिता सजग राहून आपल्या जवळच्या पशुवैद्यकीय दवाखान्याशी संपर्क साधून लसीकरण करून घेण्यात येत आहे. पशुवैद्यकीय दवाखान्यात ही मोहीम राबविली जात असून पशू पालकांनी लसीकरण करून घ्यावे, असे आवाहन डॉ.गर्जे यांनी केले आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com