Sant Nivruttinath Palkhi : आता कोठे धावे मन तुझे चरण देखलिया
भाग गेला सीन गेला अवघा झाला आनंद.
धन्य झालो, आम्ही जन्माचे नाम घेऊ तुझ्या आवडीचे,
हा तुकाराम महाराजांचा अभंग गात परतीचा प्रवास वारकऱ्यांनी विठुरायाची मूर्ती डोळ्यात साठवत सुरू केला आहे. (sant nivruttinath palakhi leave pandharpur on 3 july nashik news)
सकल वैष्णवांचे माहेर असलेल्या पंढरपूर नगरीतून पुन्हा माघारी जाताना वारकऱ्यांचे हृदय दाटून येत जड अंतःकरणाने पांडुरंगाला निरोप देताना अनेकांच्या भावनांचा बांध फुटत होता.
पौर्णिमेला होणाऱ्या काल्याच्या कीर्तनानंतर काल्याची लाही घेऊनच निष्ठावंत वारकरी परतीला निघतो. १ जुलैला शनिवारी बहुतेक पालख्या माघारी गेल्या. परंतु संतश्रेष्ठ निवृत्तिनाथांची पालखी पुनवेची लाही घेतल्याखेरीज माघारी जात नसल्याची परंपरा आहे.
हेही वाचा : Credit Card फसवणूक....काय घ्याल काळजी?
त्यानुसार ३ जुलैला पालखी निघणार असून, सतरा दिवसांचा परतीचा प्रवास करून २० जुलैला पालखी त्र्यंबकेश्वर नगरीत पोचणार आहे.
"नगरप्रदक्षिणेनंतर १ जुलैला शनिवारी बहुतेक पालख्या माघारी गेल्या. परंतु संतश्रेष्ठ निवृत्तिनाथांची पालखी पुनवेची लाही घेतल्याखेरीज माघारी जात नसल्याची जुनी परंपरा आहे. त्यानुसार पौर्णिमेला काल्याच्या प्रसादानंतर ३ जुलैला पालखीचे प्रस्थान होणार आहे.
सतरा दिवसांचा परतीचा प्रवास करून २० जुलैला पालखी त्र्यंबकेश्वर नगरीत पोचणार आहे. सर्व वारकऱ्यांच्या तसेच विश्वस्तांच्या सहकार्याने आषाढी पायीदिंडी सोहळा निर्विघ्नपणे पार पडला आहे. त्यामुळे ट्रस्टतर्फे सर्व वैष्णवांचे आभार मानतो." - नीलेश गाढवे पाटील, अध्यक्ष, संतश्रेष्ठ निवृत्तिनाथ मंदिर ट्रस्ट, त्र्यंबकेश्वर.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.