नाशिक- शेअर मार्केटमध्ये गुंतवणुकीवर जादा परताव्याचे आमिष दाखवून सायबर भामट्यांनी सेवानिवृत्ताला तब्बल ९२ लाखांना गंडा घातला आहे. याप्रकरणी शहर सायबर पोलिसात गुन्हा दाखल करण्यात आला आहे. .मनोहर प्रल्हाद पूर्णये (६७, रा. चैतन्य पार्क, गोविंदनगर) यांच्या फिर्यादीनुसार, १४ एप्रिल ते १८ जून २०२५ यादरम्यान अज्ञात सायबर भामट्यांनी त्यांना ८१०६८७८१९७, ७७०८२०४७२५ या मोबाईल क्रमांकावरून संपर्क साधला होता. सायबर भामट्यांनी टी-४ फायर्स विस्ज्डम क्लब या नावाच्या व्हाटस्अॅप ग्रुपमध्ये त्यांना सामील करून घेतले होते..त्यानंतर व्ही-१२ मनी टाटा कॅपिटल ग्रुपमधून आर्थिक गुंतवणूक कशी फायदेशीर आहे, त्यातून जादा परतावा मिळतो, असे सांगून त्यांचा विश्वास संपादन केला. दरम्यान, पूर्णये यांनी सुरवातीला काही प्रमाणात रक्कम गुंतविली असता, सायबर भामट्यांनी त्यांचा विश्वास संपादन करण्यासाठी सुरवातीला परतावा म्हणून काही रक्कमही दिली. .Nashik Accident : नाशिकमध्ये भीषण अपघात: सिटीलिंक बस-दुचाकी धडकेत तिघे जखमी.त्यावर त्यांचा विश्वास बसल्याने सायबर भामट्यांनी नंतर, एकूण गुंतविलेली रक्कम काढण्यासाठी टास्क दिले. त्यातच, हे पैसे मिळविण्यासाठी काही प्रमाणात पैसे भरल्यानंतर भरलेले सर्व पैसे नंतर काढता येईल, असे सांगितले. त्यानुसार पूर्णये हे पैसे भरत गेले. परंतु परताव्यासह रक्कम परत काढता येत नव्हती. त्यामुळे फसवणूक झाल्याचे लक्षात आले. तोपर्यंत पूर्णये यांचे ९२ लाख दोन हजार रुपये गेले होते. याप्रकरणी त्यांनी शहर सायबर पोलिस ठाण्यात धाव घेत तक्रार दिली. त्यानुसार गुन्हा दाखल करण्यात आला असून, पोलिस निरीक्षक रियाज शेख हे तपास करीत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
