Breaking News : मुंबई नाका बस स्थानकात शिवशाही बसला अचानक लागली आग

नाशिक : नाशिकच्या मुंबई नाका बस स्थानक या ठिकाणी शिवशाही बसला आग लागली. मुंबई नाका बस स्थानकाकडून बोरिवलीच्या दिशेने रवाना झालेल्या बसला टायर फुटल्याने आग लागल्याची प्राथमिक माहिती समोर येत आहे. (Shivshahi bus suddenly caught fire at Mumbai Naka bus station Breaking News nashik news)

हेही वाचा : शॉर्ट सेलर्स म्हणजे नक्की कोण?

नाशिक माजीवाडा बोरिवली एमएच 06 बी डब्ल्यू 11 87 या बस ला आग लागल्याची माहिती समोर आली आहे. अचानक लागलेल्या आगीने परिसरात एकच भीतीच वातावरण तयार झाले. बस चालकाला गरवारे पॉईंट जवळ बसमध्ये बिघाड झाल्याचे लक्षात आल्यानंतर बस चालकाने प्रवाश्यांना दुसऱ्या गाडीत बसवून, बस मुंबई नाका स्थानकात आणली होती.

बस स्थानकात येताच बसच्या टायरचा स्फोट होऊन बसला आग लागली परंतू वेळीच प्रकार लक्षात आल्याने सुदैवाने कुठलीही जीवित हानी झाली नाही. सदर घटनेची माहिती मिळताच तत्काळ अग्निशमन दलाचे कर्मचारी, एक बंब घटनास्थळी दाखल होऊन आगीवर नियंत्रण मिळवले गेले.