नाशिक- गुढीपाडव्याला घराघरांत श्रीखंड, पुरीचा बेत असतो. त्यासाठी सकाळपासून मिठाईच्या दुकानामध्ये श्रीखंड खरेदी करण्यासाठी ग्राहकांनी गर्दी केली होती. गेल्या दोन दिवसांत श्रीखंडाच्या मागणीत दुप्पट वाढ झाली होती. .फ्रूट श्रीखंड, आम्रखंड व्यतिरिक्त श्रीखंडामध्ये ४५ प्रकारचे विविध फ्लेवर्स बाजारात उपलब्ध असल्याने ग्राहकांचा आनंद द्विगुणित झाला होता. साधारण ३२० रुपयांपासून ६८० रुपयांपर्यंत श्रीखंड बाजारात मिळत होते. आम्रखंड, फ्रूट श्रीखंडाव्यतिरिक्त राजभोग, अननस, अमेरिकन नटस्, रजवाडी, मिक्स फ्रूट, पंचरत्न नटस् या श्रीखंडाला अधिक मागणी होती. .त्याचबरोबर गुढीपाडव्याच्या मुहूर्तावर अनेक घरांमध्ये नवनवीन वस्तू खरेदी केल्या जातात. गाडीची पूजा, नवीन इलेक्ट्रॉनिक वस्तू खरेदी केल्यानंतर त्याची पूजा करताना तसेच आप्तेष्टांचे तोंड करण्यासाठी मिठाई खाऊ घातली जाते. त्यामुळे श्रीखंडाबरोबर पक्का पेढा, केशर पेढा, मलई पेढ्यांना बाजारात मागणी होती..काठी, कडुनिंबाचा पाल्याची खरेदीगुढीसाठी लागणारा कडुनिंबाचा पाला, गाठीची माळ, फुलांची माळ, काठी खरेदी करण्यासाठी रविवारी सकाळपासून ग्राहकांनी गर्दी केली होती. गुढीला नवीन वस्त्र म्हणून साडी बांधली जाते परंतु दुकानांमध्ये खास रेशम, मलमल कपड्यांमध्ये गुढीसाठी लागणारे वस्त्र शंभर रुपयांपासून पुढे उपलब्ध होते..पाडव्याला श्रीखंडच का?दही आणि साखरेचे मिश्रण म्हणजे श्रीखंड. श्रीखंड तयार करताना दह्यात पाण्याचा अंश राहू नये म्हणून रूमालात घट्ट दही बांधून ठेवतात. त्याचे पाणी निथळून गेल्यानंतर त्याचा चक्का तयार होतो. त्यात साखर, वेलची पूड, जायफळ, केशर, सुकामेवा मिक्स केले की श्रीखंड तयार. आयुर्वेदानुसार उन्हाळ्यात श्रीखंड खाल्यानंतर शरीरातील पाणी शोषले जाते. त्यामुळे पाणी पिण्याचे प्रमाण आपोआप वाढते आणि त्यातून शरीराला ऊर्जा मिळते. त्यामुळे उन्हाळ्यात अर्थात पाडव्याला श्रीखंड सेवन केले जाते. .सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
