सिडको- विनयभंगाच्या गुन्ह्यात पाच महिन्यांपासून फरार असलेल्या संशयितास गुन्हे शाखा युनिट दोनच्या पथकाने अटक केली. मयूर ऊर्फ चिंट्या विवेकानंद वाघमारे (वय २८, रा. रोझा कॉलनी, नाशिक रोड) असे अटक करण्यात आलेल्या संशयिताचे नाव आहे. .२७ जानेवारी २०२५ ला रात्री साडेबाराला फिर्यादी आपल्या राहत्या घरी कुटुंबासह झोपले असताना, संशयित मयूर वाघमारे याने घरात घुसून पिडितेस शिवीगाळ, मारहाण करत विनयभंग केला. या प्रकरणी उपनगर पोलिस ठाण्यात गुन्हा दाखल करण्यात आला होता. परंतु, गुन्हा दाखल झाल्यानंतर संशयित मयूर पसार झाला होता. .गुन्हे शाखा युनिट दोनचे अधिकारी व अंमलदार या प्रकरणाचा समांतर तपास करत होते. दरम्यान, हवालदार नितीन फुलमाळी यांना गुप्त माहिती मिळाली की वरील आरोपी दत्त मंदिर सिग्नल परिसरात येत आहे. ही माहिती त्यांनी सहाय्यक पोलिस निरीक्षक हेमंत तोडकर यांना दिल्यानंतर पथकाने सापळा रचून संशयित मयुर वाघमारे यास अटक केली. पोलिसांनी त्याच्याकडे विचारपूस करताच त्याने गुन्हा कबूल केला..Nagpur Crime : नागपूर हादरलं! उधारीच्या वादातून युवकाचा खून; तर दुसऱ्या घटनेत कचरा वेचनाऱ्याची निर्घृण हत्या.सहायक पोलिस निरीक्षक डॉ. समाधान हिरे, सहायक पोलिस उपनिरीक्षक प्रेमचंद गांगुर्डे, मुक्तारखान पठाण, यशवंत बेंडकोळी, सुहास क्षीरसागर, संजय सानप, प्रकाश बोडके, प्रकाश महाजन, वाल्मीक चव्हाण, जितेंद्र वजिरे, विलास गांगुर्डे, बाळू शेळके, शंकर काळे, संजय पोटींदे यांनी ही कामगिरी केली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
