समाजकंटकाडून जलतरण तलाव येथे तोडफोड

नाशिक : येथील तिडके कॉलनी भागात असलेल्या महापालिकेच्या वीर सावरकर जलतरण तलाव येथे काही समाजकंटकांनी साहित्याची तोडफोड केली. याप्रकरणी सरकारवाडा पोलिस ठाण्यात तक्रार दाखल करण्यात आली आहे.

गुरुवारी (ता. २१) सायंकाळी ६ वाजता येथील कर्मचारी हे जलतरण तलाव बंद करण्याच्या वेळेदरम्यानच प्रवेश करण्याचा प्रयत्न केला. या वेळी तिकीट काउंटर वरील कर्मचाऱ्यांनी प्रवेश नाकारला असता या तरुणांनी गोंधळ घालत कर्मचाऱ्यांना शिवीगाळ केली. या वेळी या तरूणांनी अंघोळीच्या शॉवरसह नळाच्या पाइपची तोडफोड केली. या वेळी येथील प्रशिक्षक व कर्मचाऱ्यांनी पोलीसांना कळविताच या तरूणांनी पळ काढला.