...अन् ज्या आईच्या उदरातून जन्म घेतला, त्यावरच 'त्याने' घाव घातला...

नाशिक : (ता. सुरगाणा) सुभाषनगर, सारणेआवण येथील देवीदास लक्ष्मण गावित (वय 32) या तरुणाने दारूच्या नशेत जन्मदात्या आईच्याच जीवावर उठला. त्याने रागाच्या भरात स्वत:च्याच आईच्या डोक्‍यात कुऱ्हाडीने वार करून खून केल्याची घटना समोर आली असून मातृप्रेमाला काळिमा फासणारा हा नराधमाने खून केल्याची
कबूली दिली. 

अशी आहे घटना

सोनीबाई लक्ष्मण गावित (60) असे या अभागी मातेचे नाव असून, सोमवारी (ता.17) सायंकाळी सहाच्या सुमारास त्या शेतात काम करीत होत्या. त्या कामात व्यस्त अस तांना देवीदासने मागून येऊन मद्यधुंद अवस्थेत त्यांच्या मानेवर, गालावर, पोटावर कुऱ्हाडीने वार केले. कुऱ्हाडीच्या वाराने ती माता रक्तभंबाळ होऊन खाली कोसळली.
सोनीबाई यांनी जागेवरच जीव सोडला. यासंदर्भात देवीदासची पत्नी सरला यांनीच पोलिसांत तक्रार दिली. त्यात म्हटले आहे, की मासिक पाळीचा त्रास असल्याने व आजारपणामुळे त्या घरीच झोपून असायच्या. त्यावेळी पती देवीदास नेहमीच दारूच्या नशेत त्यांच्या आईला शिवीगाळ करून नेहमी भांडत असे. याच भांडणाचा राग डोक्‍यात घेऊन मंगळवारी देवीदासने रागाच्या भरात दारूच्या नशेत कुऱ्हाडीने वार करून आईचा खून केला. 

हेही वाचा > 'आडके' यांच्या अटकेमुळे राजकीय आणि व्यापारी वर्तुळात खळबळ! 

याबाबत माहिती मिळताच तातडीने तपासाची सूत्रे फिरवीत पोलिस उपविभागीय अधिकारी सदाशिव वाघमारे, पोलिस निरीक्षक दिवाणसिंग वसावे यांच्या मार्गदर्शना खाली पोलिस उपनिरीक्षक सागर नांद्रे यांनी सोमवारी रात्री उशिरा देवीदासला सुभाष नगर शिवारातून अटक केली. त्यावेळी त्याने आईच्या डोक्‍यात कुऱ्हाडीने वार करून खून केल्याची कबुली दिली असल्याचे पोलिसांनी सांगितले.  

हेही वाचा > सुनेला वाचविण्यासाठी 'ते' पुढे सरसावले!...तर मुलाने त्यांनाच

हेही वाचा > बेपत्ता बांधकाम अभियंत्याचा मृतदेह गांधी तलावात!