गुटखा खाणाऱ्यांनो.."महामार्गवरील गतिरोधक तरी सोडा हो..."

नाशिक / सौंदाणे : येथे थुंकू नये, थुंकण्यास सक्त मनाई आहे, थुंकल्यास दंड आकारला जाईल, अशा आशयांच्या सूचना अनेक शासकीय, प्रशासकीय कार्यालयांमध्ये, सार्वजनिक इमारती यांसारख्या ठिकाणी मध्यपान, धूम्रपान करणाऱ्या व्यक्तींसाठी महत्त्वाच्या सूचना लिहिलेल्या असतात. परंतु आता अशीच वेळ राष्ट्रीय महामार्गाच्या गतिरोधाकांजवळ लिहिण्याची वेळ सार्वजनिक बांधकाम विभाग व राष्ट्रीय महामार्ग प्रशासनावर येऊन ठेपली आहे. 

सौंदाणे परिसरातील गतिरोधक गुटख्याने होताय लालबुंद 
मुंबई-आग्रा राष्ट्रीय महामार्गावर मालेगावपासून नाशिकपर्यंत महामार्गालगत जी मोठी गावे आहेत, तसेच त्या गावांना उड्डाणपूल नाहीत अशा गावांच्या प्रमुख ठिकाणी रस्ता दुभाजक ठेवले आहेत. जेणेकरून तेथील लोकांना व इतर गावातील लोकांना, शाळकरी मुलांना रस्ता ओलांडण्यासाठी मदत होईल. महामार्गावरील दुभाजकावर गतिरोधक टाकले आहेत. अपघात होऊ नये म्हणून हे गतिरोधक असल्याने त्यांचा वापर हा वाहनांची गती कमी करण्यासाठी केला जातो. परंतु आता त्याचा वापर वाहनचालक हे गुटखा, तंबाखू, पान खाऊन थुंकण्यासाठी करीत असल्याने ते लाल रंगाने रंगत असल्याचे दिसत आहे.

हेही वाचा > हृदयद्रावक! रक्ताच्या थारोळ्यात असूनही "माऊलीची" बाळाची घट्ट मिठी सुटली नव्हती...अखेर..

गुटख्याच्या पिचकरीने रंगताय गतिरोधक 

खालेला गुटखा थुंकण्यासाठी चालक हा वाहनाचा वेग कमी होताच वाहनाचा दरवाजा वा काच उघडून कसरत करताना दिसतात. त्यांच्या अशा थुंकण्याच्या कसरतीमुळे चालकासोबतच प्रवाशांचाही जीव धोक्‍यात घालण्याचे काम होत असल्याचे चित्र आहे. 
 

हेही वाचा > धक्कादायक! खेळणाऱ्या चिमुकलीचा आवाज अचानक शांत झाला..आईने पाहिले तेव्हा तिचे पाय टबमध्ये होते...