नाशिक- शेअर मार्केटमध्ये आर्थिक गुंतवणुकीतून जादा परताव्याचे आमिष दाखवून गंडा घातल्याचे प्रकार सातत्याने वाढत आहेत. यात पुन्हा एका गुन्ह्यांची भर पडली असून, एस. टी. ट्रेडर्सच्या माध्यमातून शेअर मार्केटमध्ये गुंतवणुकीतून ४५ गुंतवणूकदारांची ७ कोटी ७६ लाखांची फसवणूक करण्यात आल्याचा धक्कादायक प्रकार समोर आला आहे. फसवणुकीची व्याप्ती वाढण्याची शक्यता असल्याने तक्रारींसाठी तक्रारदारांना गुन्हे शाखेकडे संपर्क साधण्याचे आवाहन केले आहे.