बंडखोरांना जिवंतपणी दाखवले अमरधाम

जुने नाशिक : शहरात शिवसेनेकडून (Shiv sena) करण्यात आलेल्या प्रतीकात्मक पुतळा दहन आंदोलनात (Agitation) बंडखोरांना जिवंतपणी अमरधामचा रस्ता दाखवीत शिवसैनिकांनी आपला रोष व्यक्त केला. असे आगळेवेगळे आंदोलन जुने नाशिक येथील नागरिकांमध्ये चर्चेचा विषय ठरला. (Strong discussion of symbolic movement in Nashik maharashtra political news)

शिवसेना आमदारांच्या बंडखोरीविरोधात येथील शिवसैनिकांनी आक्रमक पवित्रा घेतला आहे. त्यानिमित्ताने शहरातील शिवसैनिकांकडून शहरात आंदोलन करण्यात आले. आंदोलनादरम्यान बंडखोर आमदारांच्या प्रतीकात्मक तिरड्यांवरील पुतळ्यावर अंतिम संस्कार करण्यात आले. असे आगळेवेगळे आंदोलन अद्याप कुणाकडूनही करण्यात आले नाही. त्यामुळे हे आंदोलन जुन्या नाशिककरांसाठी चर्चेचा विषय ठरले. अमरधाममधील कर्मचाऱ्यांसाठीसुद्धा अशा प्रकारचा पहिलाच अनुभव होता. जुने नाशिक परिसरात दिवसभर या आंदोलनाची चर्चा सुरू होती. पोलिसांनी मात्र कुठल्याही प्रकारचा कायदा सुव्यवस्थेचा प्रश्न निर्माण होऊ नये, यासाठी कडेकोट पोलिस बंदोबस्त ठेवला होता.