Summer Season : मालेगावात ऊन-सावलीचा खेळ!

Summer Season : शहर व परिसरात गेल्या आठवड्यापासून ऊन-सावलीचा खेळ सुरु आहे. पारा ३६ ते ३७ अंश सेल्सिअस दरम्यान आहे. शनिवारी सायंकाळी झालेल्या मुसळधार पावसानंतर रविवारी पावसाने विश्रांती घेतली.

रविवारी पारा ३६ अंश सेल्सिअस एवढा होता. मालेगाव अन्‌ ऊन यांचे समीकरण झाले आहे. गेल्या काही वर्षापासून मार्च ते जून या कालावधीत तापमान ४० ते ४५ अंश सेल्सिअस दरम्यान असते. या वर्षी निसर्गाच्या लहरीपणामुळे एप्रिलच्या पहिल्या आठवड्यात देखील पारा ३७ अंशावर गेलेला नाही.

अधूनमधून बेमोसमी पाऊस होत आहे. ऊन सावलीचा खेळ सुरु असल्यामुळे येथे संमिश्र वातावरण आहे. कडक ऊन पडत नसल्याने रसवंतीगृह, शीतपेयांची दुकाने, मसाले ताक, बर्फ गोळे, लस्सी, आइस्क्रीम, कुल्फी, लिंबू शिकंजी आदी विक्रेत्यांवर मोठा परिणाम होत आहे. (Summer Season temperature rising in Malegaon nashik news)

हेही वाचा : सामान्यांचा पैसा सुरक्षित ठेवण्यासाठीच Virtual Currency करकक्षेत

ऐन उन्हाळ्यात बेमोसमी पाऊस पडत असल्याने कांदा, आंबे, भाजीपाला व फळपिकांचे नुकसान होत आहे.

शहरातील आठवड्याचे तापमान

तारीख तापमान

३ एप्रिल ३४.८

४ एप्रिल ३५.२

५ एप्रिल ३५.८

६ एप्रिल ३६.८

७ एप्रिल ३७.०

८ एप्रिल ३६.६

९ एप्रिल ३६.०