Swine Flu Update : स्वाइन फ्लूचा रुग्ण आढळला

नाशिक : शहरामध्ये स्वाइन फ्ल्यूचा एक रुग्ण आढळून आला आहे. सातपूर भागातील एका महिलेला स्वाइन फ्लूची लागण झाली असून सदर महिला रुग्ण पूर्णपणे बरी झाली आहे. त्या व्यतिरिक्त स्वाइन फ्लूचे दहा संशयित रुग्ण आहेत. (Swine Flu Update patient found at city nashik news)

हेही वाचा : सूर्यकुमार...भारतीय क्रिकेट मधला 'लंबी रेस का...'

बदलत्या वातावरणामुळे स्वाइन फ्लूचा आजार वाढत असल्याचे महापालिकेच्या वैद्यकीय अधिकाऱ्यांचे म्हणणे आहे.

सातपूरच्या एका ६७ वर्षी महिलेला स्वाइन फ्लूची लक्षणे दिसून आल्याने खासगी रुग्णालयात उपचारासाठी दाखल करण्यात आले. सदर महिलेचा अहवाल पॉझिटिव्ह आला. त्यानंतर महिलेवर उपचार करून घरी सोडून देण्यात आले.

मागील वर्षी जानेवारी ते डिसेंबर २०२२ या कालावधीमध्ये नाशिक शहरात स्वाइन फ्लूचे १४९ रुग्ण आढळले होते. त्यात दहा जणांचा मृत्यू झाला होता.

बदलत्या वातावरणामुळे शहरात तापाच्या रुग्णांची संख्या वाढली आहे. मागील पंधरा दिवसात १६७६ रुग्णांवर उपचार करण्यात आल्याची माहिती महापालिकेचे वैद्यकीय अधिकारी डॉ बापूसाहेब नागरगोजे यांनी दिली.