चक्क डुप्लिकेट चावी लावून चोरट्यांनी पळविली चारचाकी

नाशिक रोड (नाशिक) : इमारतीसमोर पार्किंग केलेली ग्रे रंगाचे स्कॉर्पिओ गाडी डुप्लिकेट चावी लावून चोरून नेल्याचा प्रकार गंधर्व नगरी परिसरात घडला. याप्रकरणी अज्ञात चोरट्याविरुद्ध उपनगर पोलिस ठाण्यात चोरीचा गुन्हा दाखल करण्यात आला आहे.

यासंदर्भात तरणबीरसिंग सेठी (रा. कोरल टॉवर, बिटको फॅक्टरी जवळ, गंधर्व नगरी) यांनी उपनगर पोलिस ठाण्यात तक्रार दाखल केली आहे. ग्रे रंगाचे स्कॉर्पिओ कंपनीची गाडी (एमएच- ४८- येसी ३६८३) इमारतीसमोर पार्किंग केली असताना अज्ञात चोरट्याने डुप्लिकेट चावी लावून चोरून नेली, असे तक्रारीत म्हटले आहे.