Nashik Crime: चोरीच्या दुचाकीवरून विज पंपाची चोरी; विधी संघर्षित बालकासह मुख्य संशयित पोलिसांच्या जाळ्यात

वावी : सिन्नर पोलीस ठाण्याच्या हद्दीतील पिंपळे गावच्या शिवारात शेतातील विज पंप चोरून नेणाऱ्या दोघांना पोलिसांनी चोरीच्या दुचाकी सह ताब्यात घेतले.

यात एका विधी संघर्षित बालकाचा समावेश आहे. (Theft of power pump from stolen bike main suspect along with minor child caught by sinnar police nashik crime)

पिंपळे येथील शेतकरी मारुती बंडू पानसरे यांच्या शेतातील विहिरीतील वीज पंप अज्ञात चोरट्याने चोरून नेल्याचा प्रकार 25 जानेवारीच्या सकाळी उघडकीस आला होता.

यासंदर्भात त्यांनी सिन्नर पोलीस ठाण्यात तक्रार दाखल केली होती. पोलीस निरीक्षक चंद्रशेखर यादव यांच्या मार्गदर्शनाखाली या गुन्ह्याचा तपास करत असताना पोलीस नाईक एन.बी. गिते, हेमंत तांबडे, पोलिस शिपाई गौरव सानप यांनी तुषार कडभाने, सुयश शिंदे दोघे राहणार मनेगाव या पोलिस मित्रांच्या मदतीने हर्षद दत्तु सदगिर रा. डूबेरवाडी व एका विधी संघर्षित बालकास ताब्यात घेतले.

त्यांच्याकडून विना क्रमांकाची चोरीची दुचाकी हस्तगत करण्यात आली. तसेच पिंपळे येथून चोरलेली कंपनीची जलपरी मोटार देखील जप्त करण्यात आली.