Chalisgaon : घरात चोरी करताना रंगेहाथ पकडले | Sakal
sakal

बोलून बातमी शोधा

Nashik Crime News

Chalisgaon : घरात चोरी करताना रंगेहाथ पकडले

चाळीसगाव (जि. नाशिक) : शहरातील पोतदार शाळेच्या परिसरातील एका घरात मध्यरात्री चोरी (Burglary) करण्यासाठी घरात घुसलेल्या चोरट्याला रंगेहात पकडले. याबाबत चोरट्याच्या विरोधात शहर पोलीस ठाण्यात गुन्हा दाखल करण्यात आला आहे. (thief Caught red handed while doing burglary)

हेही वाचा: Nashik : राज ठाकरेंनी पोलिसांना लावले नमाजला !

महेंद्र लक्ष्मणराव शितोळे (वय ४५, रा. पोतदार शाळेजवळ, चाळीसगाव) हे आपल्या कुटुंबीयांसह २ मे रोजी रात्री दहला जेवण झाल्यानंतर शेतात पाणी भरण्यासाठी निघून गेले. त्यानंतर त्यांचे सर्व कुटुंबीय झोपलेले असताना पहाटे साडेतीनच्या सुमारास महेंद्र शितोळे व त्यांचे मावसभाऊ सचिन वाबळे हे दोघे शेतातून घरी आले असता, त्यांना घराचा दरवाजा उघडा दिसला. त्यांनी आत जाऊन पाहिले असता, एक चोरटा घरात चोरी करताना आढळून आला. महेंद्र आणि सचिन यांनी त्याला पकडून ठेवले. दोघांनी आजूबाजूच्या रहिवाशांना आवाज देऊन बोलावल्यानंतर पोलिसांना या घटनेची माहिती देण्यात आली. पकडलेल्या चोरट्याने त्याचे नाव पंढरीनाथ नागो जाधव (वय २५, रा. हरीगिरीबाबा नगर, चाळीसगाव) असे सांगितले. त्याच्या विरोधात महेंद्र शितोळे यांनी दिलेल्या फिर्यादीवरून शहर पोलीस ठाण्यात गुन्हा दाखल करण्यात आला आहे.

हेही वाचा: YCMOUचा दीक्षांत समारंभ; विद्यार्थ्यांना नाव नोंदणीचे आवाहन

Web Title: Thief Caught Red Handed While Doing Burglary Nashik Crime News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top