पिंपळगाव बसवंत (जि. नाशिक) : पिंपळगाव बसवंतमध्ये चोरट्यांनी धुडगूस घालत शहरातील अंबिकानगर येथील किराणा दुकान, शेती औषधांचे दुकान फोडून गल्ल्यातील रोख रक्कम आणि विहिरीतील मोटर तसेच एका दुचाकीची चोरी करत चार चोरट्यांनी पोबारा केला. दुसरी घटना शहरातील निफाड फाटा परिसरातील वेशीमधील स्वच्छतागृहाची पाण्याची मोटार देखील चोरट्यांने चोरून नेली.
चोरी करताना चोरटे सीसीटीव्ही कॅमेऱ्यात कैद झाले आहेत. चोरट्यांनी पुन्हा धुमाकूळ घालण्यास सुरवात केल्याने पिंपळगाव पोलिसांसमोर चोरट्यांच्या मुसक्या आवळण्याचे आव्हान आहे. (Thieves break into shops in Pimpalgaon Baswant Nashik Crime Update Latest Marathi News)
पोलिस ठाण्यात दाखल झालेल्या गुन्ह्यानुसार वणी चौफुली लगत असलेल्या अंबिकानगर परिसरात चार चोरट्यांनी वणी चौफुलीजवळील महेंद्र खोडे यांच्या चार चाकी वाहनाची स्टेफनी तर राजेंद्र विधाते यांच्या पाणी ओढण्याच्या विहिरीतील मोटार आणि मोटरसायकल तसेच देवी मंदिरासमोर असलेल्या जय बाबाजी किराणा आणि शेजारी शेती औषध दुकानाचे शटर तोडत आतमध्ये प्रवेश केला.
गल्ल्यातील रोकड लंपास करून पोबारा केला. याबाबत पिंपळगाव बसवंत पोलिस ठाण्यात फिर्यादीच्या माहितीनुसार चोरीचा गुन्हा दाखल करण्यात आला आहे. पोलिस निरीक्षक भाऊसाहेब पटारे यांच्या मार्गदर्शनाखाली तपास सुरू आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.