मनमाड - पूर्वी लग्न समारंभात संबळ, सनई चौघडे, बँड, बँजो या पारंपारिक वाद्यांची एक महत्त्वाची भूमिका होती. या वाद्यांच्या वाजण्यामुळे आनंदी, पारंपारिक भावना निर्माण होऊन एक अनोखे सांगीतिक वातावरण तयार होत होते. .हा सांस्कृतिक अनुभव जाऊन आता लग्न समारंभात डीजेच्या कर्कश आवाजात पारंपरिक वाद्यांचे मंगल सूर मात्र हरपले आहे. डीजेचा आवाज म्हणजे एक सांस्कृतिक आणि ध्वनी प्रदूषणाची समस्या आहे. अनेकांना नकोशी असली तरी तरुणाईला यावरच थिरकता येत असल्याचे वास्तव आहे..सध्याच्या जीवनशैलीत पारंपरिक वाद्यांचा वापर कमी होत चालला आहे. संबळ, सनई चौघडे, बँड, बँजो ही वाद्ये कमी होत डीजे चा वापर वाढला आहे. पारंपारिक वाद्ये संबळ, सनई चौघडे, बँड, बँजो यांचा आवाज लग्नाच्या समारंभात सांस्कृतिक फिलिंग आता बंद झाले आहे. .डीजेच्या आवाजामुळे वृद्ध नागरिक, लहान मुले, गरोदर महिलांसाठी हा आवाज केवळ शारीरिक त्रास निर्माण करत नाही, तर हृदय विकार आणि मानसिक ताण यांसारख्या गंभीर समस्या देखील निर्माण होऊ शकतात. आवाजाच्या उच्च दबावामुळे इतर अनेक शारीरिक इजा देखील होऊ शकतात..हा आवाज ध्वनिप्रदूषण आणि पर्यावरणासाठी हानिकारक ठरतोच परंतु यामुळे एकाग्रता, झोपेची समस्या, ताण आणि मानसिक आरोग्यावरही परिणाम होतो. वृद्ध व्यक्तींना आणि लहान मुलांना उच्च आवाजामुळे स्मरणशक्ती कमी होणे, ताण, चिडचिड होणे, गरोदर महिलांना तसेच त्यांच्या आणि अपत्याच्या शारीरिक आणि मानसिक आरोग्यावर वाईट परिणाम होऊ शकतो. .उच्च आवाजामुळे शरीरातील तणाव वाढतो, ज्याचा परिणाम हृदयावर होऊ शकतो. अत्याधिक आवाजात राहिल्याने हृदयाच्या ठोक्याचे विकार, रक्तदाबाच्या समस्यांचा धोका वाढतो. परंतु पारंपारिक वाद्यांचा आवाज हा अधिक नैसर्गिक आणि शारीरिकदृष्ट्या सुरक्षित असतो. कारण हा आवाज नियंत्रित आणि अधिक संतुलित असतो..पण आजकालच्या लग्न समारंभांत डीजे च्या कर्कश आवाजामुळे पारंपरिक वाद्यांचे सुर पूर्णपणे अडगळीत पडले आहेत. डीजेचा आवाज म्हणजेच एक सांस्कृतिक आणि ध्वनी प्रदूषणाची समस्या आहे. परंपरेतील संगीत आणि वाद्यांचे महत्त्व खूप आहे, पण आधुनिकतेने त्यास मागे ठेवले आहे. परंतु आता पारंपारिक वाद्याला पून्हा नवसंजीवनी देण्याची गरज आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
