Wani Ashram School आश्रमशाळांमध्ये दोन बालिकांचा संशयास्पद मृत्यू; आरोग्य सुविधांवर प्रश्नचिन्ह

वणी: दिंडोरी व पेठ तालुक्यांतील दोन आश्रमशाळांतील दोन विद्यार्थिनींचे आकस्मिक निधन झाले. या घटनांमुळे शाळांमधील आरोग्य सुविधांबाबत प्रश्नचिन्ह निर्माण झाले आहे..संशयास्पद आजाराने मृत्यूवारे येथील डांगसेवा मंडळ संचालित श्यामलाताई बीडकर आश्रमशाळेतील चौथीच्या विद्यार्थिनीचा ‘जीबीएस’सदृश आजाराने मृत्यू झाल्याची घटना समोर आली आहे. गायत्री विश्वास गायकवाड (वय १०, रा. करंजाळी, ता. दिंडोरी) ही आपल्या बहीण व भावासह वारे येथील आश्रमशाळेत पहिलीत शिक्षण घेत होती. सध्या ती चौथीत शिकत होती. .गेल्या रविवारी (ता. २७) बहिणीच्या पोटदुखीबाबत माहिती देण्यासाठी तिने वडील विश्वास गायकवाड यांना दूरध्वनी केला होता. सोमवारी (ता. २८) वडील मुलीला दवाखान्यात घेऊन जाण्यासाठी आश्रमशाळेत आले असता गायत्री झोपेतून उठल्यानंतर तिचे शरीर कंबरेपासूनचे बधिर झाल्याचे लक्षात आले. अधीक्षिका विमल ठाकरे यांनी तिला त्वरित रुग्णालयात हलविण्याचा सल्ला दिला. प्रारंभी भनवड येथील रुग्णालयात दाखल करून नंतर वणी येथील खासगी रुग्णालयात नेण्यात आले. तेथे ‘जीबीएस’सदृश लक्षणांची शक्यता वर्तविण्यात आली..वणी येथे दोन दिवस उपचार केल्यानंतर तिला जिल्हा रुग्णालयात हलविण्यात आले. मात्र, तेथे आवश्यक इंजेक्शन उपलब्ध नसल्याने शिक्षक आणि पालकांनी बाहेरून औषधे आणून उपचार सुरू ठेवले. शेवटी शुक्रवारी (ता. १) दुपारी तीनच्या सुमारास जिल्हा रुग्णालयात गायत्रीचा मृत्यू झाल्याची माहिती मुख्याध्यापक जगन नाठे यांनी दिली..चक्कर येऊन मृत्यूगांडोळे (ता. दिंडोरी) येथील शासकीय आश्रमशाळेत नववीत शिकणाऱ्या १५ वर्षीय विद्यार्थिनीचा प्रार्थना सुरू असताना चक्कर येऊन मृत्यू झाल्याची धक्कादायक घटना घडली. या प्रकारामुळे परिसरात खळबळ उडाली आहे..Video: पुणे रेल्वे प्लॅटफॉर्मवर जीवघेणा क्षण! पोलिसाच्या सतर्कतेमुळे वाचला प्रवासी, व्हिडिओ पाहून अंगावर काटा येईल.गांडोळे येथील शासकीय आश्रमशाळेत गेल्या महिन्यात नववीत प्रवेश घेतलेल्या माया संदीप भोये (वय १५, रा. टेंटमाळ) ही विद्यार्थिनी सकाळी नेहमीप्रमाणे शाळेत आली होती. शाळेची प्रार्थना सुरू असताना ती अचानक चक्कर येऊन कोसळली. उपस्थित शिक्षकांनी तिला तातडीने ननाशी येथील प्राथमिक आरोग्य केंद्रात नेले. मात्र, डॉक्टरांनी तपासणीअंती मृत घोषित केले. या प्रकरणी पेठ पोलिस ठाण्यात आकस्मिक मृत्यूची नोंद करण्यात आली असून, हवालदार तुंगार तपास करीत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Wani Ashram School आश्रमशाळांमध्ये दोन बालिकांचा संशयास्पद मृत्यू; आरोग्य सुविधांवर प्रश्नचिन्ह

Related Stories