नाशिक- आदिवासी आयुक्तालयासमोर १२ दिवसांपासून सुरू असलेल्या बिऱ्हाड आंदोलनावर तोडगा निघण्याची शक्यता निर्माण झाली आहे. बाह्यस्रोतांद्वारे आदिवासी आश्रमशाळांमध्ये भरती करण्याचा अध्यादेश रद्द करण्यासाठी दबाव वाढला. यासंदर्भात आमदार हिरामण खोसकर यांच्या माध्यमातून शिष्टमंडळ सोमवारी (ता. २१) उपमुख्यमंत्री अजित पवार यांना भेटणार आहे. त्यानंतर येत्या मंगळवारी (ता. २२) मंत्रिमंडळाच्या बैठकीत या विषयावर चर्चा करण्यात येणार असल्याचे खोसकर यांनी सांगितले.