Journalists
sakal
नाशिक: त्र्यंबकेश्वर येथे सिंहस्थ कुंभमेळा बैठकीच्या वार्तांकनासाठी जाणाऱ्या दूरचित्रवाणीच्या पत्रकारांवर प्रवेश व वाहन शुल्क वसुली करणाऱ्या सराईत गुन्हेगारांनी हल्ला केला. नाशिक प्रेस क्लब व नाशिक शहर पत्रकार संघाने सोमवारी (ता. २२) जिल्हाधिकारी जलज शर्मा यांची भेट घेत दोषींवर कारवाई करावी, पत्रकार संरक्षण कायद्याची अंमलबजावणी करताना त्र्यंबकेश्वरमधील प्रवेश व वाहन शुल्क रद्द करण्याची मागणी केली. जिल्हाधिकारी शर्मा यांनी मागण्यांबाबत सकारात्मकता दर्शविताना दोषींवर कारवाईची ग्वाही दिली.