Nashik Kumbh Mela : सिंहस्थ कुंभमेळ्याच्या बोधचिन्हाला 'ग्लोबल' पसंती; सातासमुद्रापार पोहोचली नाशिकची ओळख

नाशिक: आगामी नाशिक-त्र्यंबकेश्वर सिंहस्थ कुंभमेळ्यासाठी आयोजित बोधचिन्ह स्पर्धेसाठी देश-विदेशामधून प्रतिसाद लाभला आहे. स्पर्धेत ३ हजारांहून अधिक बोधचिन्हाच्या प्रवेशिका प्राप्त झाल्या आहेत. यामध्ये ७० नोंदी आंतरराष्ट्रीय स्तरावरून प्राप्त झाल्या असून देशातील २५ पेक्षा अधिक राज्यांतील विद्यार्थी, डिझायनर आणि सर्जनशील क्षेत्रातील व्यावसायिकांनी सहभाग घेतला आहे.