दुमजली घराला आग; लाखो रूपयांचे साहित्य, संसारोपयोगी वस्तू जळाल्या

two floored house set on fire in satana Millions of rupees worth goods burnt Nashik News
two floored house set on fire in satana Millions of rupees worth goods burnt Nashik Newsesakal

सटाणा (जि. नाशिक) : मुंजवाड (ता. बागलाण) येथील एका व्यावसायिकाच्या दुमजली घरास बुधवारी (ता. १) रात्री आग लागली (Fire accident). आगीत वरचा संपूर्ण मजला जळून खाक झाला असून, लाखो रुपयांचे साहित्य, संसारोपयोगी वस्तू जळून खाक झाल्या. शेजाऱ्यांनी समयसूचकता दाखविल्याने पुढील अनर्थ टळला. सटाणा पालिकेचा अग्निशमन दलाचा बंब वेळेवर घटनास्थळी दाखल झाल्याने ग्रामस्थांच्या मदतीने रात्री उशिरापर्यंत आग विझविण्याचे प्रयत्न चालले होते. आग आटोक्यात आल्यावर परिसरातील नागरिकांनी सुटकेचा नि:श्‍वास सोडला.

मुंजवाड येथील श्रीराम मंदिराशेजारी दगडू पांडूरंग भामरे याचे दुमजली निवासस्थान आहे. तेथेच त्यांचे कापड दुकान व लग्न समारंभांना गादी भाड्याने देण्याचा व्यवसाय आहे. बुधवारी (ता. १३) रात्री साडेअकरा ते बाराच्या दरम्यान घराच्या पहिल्या मजल्यावर अचानक आग लागली. त्यांच्या घरासमोरच रहाणारे पोपट जगदाळे यांना भामरे यांच्या घरातून धूर निघत असल्याचे दिसताच त्यांनी आजूबाजूच्या नागरीकांसह दगडू भामरे यांना झोपेतून उठवले. मात्र, तोपर्यंत आगीने रौद्ररूप धारण केले होते. ग्रामस्थांच्या मदतीने सटाणा नगर परिषदेच्या अग्निशमन दलाच्या कर्मचाऱ्यांनी आग आटोक्यात आणली. मात्र, तोपर्यंत संपूर्ण साहित्य जळून खाक झाले होते. यात ७० गाद्या, ताडपत्री, पट्टया, रेडीमेड कपडे, धान्य संपूर्ण जळून खाक झाले होते.

two floored house set on fire in satana Millions of rupees worth goods burnt Nashik News
रहाटणीत टोळक्याचा तरुणावर हल्ला

सुदैवाने या घटनेत खालच्या मजल्यात आग न पोहचल्याने मोठा अनर्थ टळला. दुसऱ्या दिवशी आमदार दिलीप बोरसे यांनी घटनास्थळाची पाहणी केली. महसूल अधिकाऱ्यांशी संपर्क साधून तत्काळ पंचनामा करण्याच्या सूचना दिल्या. आमदार बोरसे यांना भामरे यांना वैयक्तिक पाच हजार रुपयांची मदत दिली. मुंजवाडच्या सरपंच प्रमिला पवार यांनीही भामरे यांना २१०० रुपयांची आर्थिक मदत दिली.

two floored house set on fire in satana Millions of rupees worth goods burnt Nashik News
शिवसेनेच ठरलं! मे महिन्यात अयोध्येला जाणार - संजय राऊत

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com