Vaitarna dam : वैतरणा धरणात दोन युवकांचा मृत्यू

इगतपुरी शहर/घोटी- वैतरणा धरण क्षेत्रातील झारवड बुद्रुक परिसरात रविवारी (ता. ४) बुडालेल्या दोन अल्पवयीन मुलांपैकी दुसऱ्या युवकाचा मृतदेह सोमवारी (ता. ५) सकाळी पाण्यावर तरंगताना आढळून आला आहे..बुडालेल्यांमध्ये नक्ष नितीन मगरे (वय १२, रा. ठाणकरपाडा, कल्याण) याचा मृतदेह रविवारीच सापडला होता; तर दुसरा युवक प्रेम रमेश मोरे (१५, रा. मोग, ता. रिसोड, जि. वाशीम) याचा मृतदेह सोमवारी सकाळी वैतरणा धरणाच्या पाण्यात तरंगताना मिळाला..प्रेम मोरे हा वाशीम जिल्ह्यातून आपल्या कुटुंबासोबत फार्महाउसवरील कामासाठी इगतपुरीत आला होता. रविवारी फार्महाउसवर काम करणाऱ्या कुटुंबातील काही सदस्य आणि कल्याणहून आलेले नातेवाईक मिळून पर्यटनासाठी झारवड परिसरात गेले होते. नक्ष मगरे आणि प्रेम मोरे हे दोघेही काही ज्येष्ठ मंडळींबरोबर पाण्यात उतरले होते. नक्षच्या वडिलांनी सर्वांना कमी पाण्यात राहण्याचा सल्ला दिला होता. मात्र, पाण्याच्या खाली खोल खड्डा असल्याची जाणीव नसल्याने नक्ष आणि प्रेम यांचे पाय घसरले आणि ते बुडाले..नक्ष याचा मृतदेह तत्काळ सापडला. प्रेम याचा शोध मात्र रात्रीपर्यंत सुरू होता. अंधारामुळे शोधकार्य थांबवावे लागले होते. सोमवारी सकाळी पुन्हा शोध सुरू असताना धरण क्षेत्रातील शिपायाला प्रेमचा मृतदेह पाण्यावर तरंगताना आढळून आला..पुण्यात ९ वर्षांच्या २ मुलींवर अत्याचार, जीवे मारण्याच्या धमक्या; सावत्र भावासह २१ वर्षीय तरुणावर गुन्हा दाखल.घोटी पोलिस ठाण्याचे निरीक्षक विनोद पाटील यांच्या मार्गदर्शनाखाली कर्मचारी राजाराम डगळे, परीक्षित इंगळे, सतीश चव्हाण, सनी भवर आदी तपास करीत आहेत. दरम्यान, धरण परिसरात सुरक्षेची कोणतीही उपाययोजना किंवा सूचनाफलक नसल्याने अशा दुर्घटना घडत असल्याची भावना स्थानिकांनी व्यक्त केली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.