महापालिकेवर भगवा फडकवा! बडगुजर यांच्या भेटीत उद्धव ठाकरेंचा आदेश 

सिडको (नाशिक) : सर्व शिवसैनिकांना एकत्र घेऊन नाशिक महापालिकेवर भगवा फडकवण्याचा निर्धार करा आणि कामाला लागा, असे आदेश शिवसेना पक्षप्रमुख उद्धव ठाकरे यांनी मुंबई येथे भेटीला आलेल्या नाशिकमधील नवनिर्वाचित महानगरप्रमुख सुधाकर बडगुजर व उपस्थित पदाधिकाऱ्यांना दिला. 

ठाकरे यांच्या आदेशाने उपस्थित पदाधिकाऱ्यांमध्ये नवसंचार निर्माण झाला. 
शिवसेनेच्या नाशिक महानगरप्रमुखपदी निवड होताच प्रथमच सुधाकर बडगुजर यांनी पक्षप्रमुख उद्धव ठाकरे यांचे आशीर्वाद घेण्यासाठी मुंबई येथे पदाधिकाऱ्यांसह भेट घेतली. ठाकरे यांनी सर्व शिवसैनिकांना एकत्र येऊन नाशिक महापालिकेवर भगवा फडकवण्याचे आदेश दिले. उपस्थित सर्वांनी नाशिक महापालिकेवर भगवा फडकवणार असल्याचे आश्वासन दिले. संपर्कप्रमुख भाऊसाहेब चौधरी, जिल्हाप्रमुख विजय करंजकर, महापालिका विरोधी पक्षनेते अजय बोरस्ते, गटनेते विलास शिंदे, राजू लवटे आदी पदाधिकारी उपस्थित होते. 

हेही वाचा >> पित्याच्या सांगण्यावरून अखेर घटनेचा ११२ दिवसांनी उलगडा; धक्कादायक माहिती समोर

शिवसेना पक्षप्रमुख उद्धव ठाकरे यांच्या आदेशानुसार सर्व शिवसैनिक महापालिका निवडणुकीत भगवा फडकवणार असल्याचे आम्ही त्यांना शब्द दिला. 
-सुधाकर बडगुजर, महानगरप्रमुख, शिवसेना 

हेही वाचा >> डॉक्टरांचे ऐकले असते तर आज 'त्यांचे' प्राण वाचले असते! परिसरात हळहळ