UGC-NET Exam Result : यूजीसी -नेट परीक्षेचा आज निकाल

UGC-NET Exam Result : नॅशनल टेस्टिंग एजन्‍सीतर्फे घेतलेल्‍या डिसेंबर सत्रातील यूजीसी-नेट परीक्षेचा निकाल बुधवारी (ता.१७) जाहीर केला जाणार आहे.

६ ते १९ डिसेंबरदरम्‍यान ही परीक्षा देशभरातील २९२ शहरांमध्ये घेण्यात आली होती. (UGC NET Exam Result Today nashik news)

परीक्षेला नऊ लाख ४५ हजार ९१८ परीक्षार्थी सामोरे गेले होते. परीक्षेच्‍या माहितीपत्रकात निकालाची संभाव्‍य दिनांक १० जानेवारी अशी नमूद केलेली होती.

परंतु एनटीएने यासंदर्भात सूचना जारी करताना निकाल बुधवारी (ता.१७) जाहीर केला जाणार असल्‍याचे स्‍पष्ट केले आहे.

चेन्नई व आंध्रप्रदेशमधील परीक्षा केंद्रांवर नैसर्गिक आपत्तीमुळे पुर्नपरीक्षा घ्यावी लागली होती. त्‍यामुळे निकाल जाहीर करण्यास एक आठवड्याचा उशीर झाला असल्‍याचे स्‍पष्ट करण्यात आले आहे.