Crime Update : अल्पवयीन मुलावर अनैसर्गिक अत्याचार; संशयिताला अटक

नाशिक : सातपूर परिसरातील प्रबुध्दनगरमध्ये अल्पवयीन मुलास खाण्या-पिण्याचे व मोबाईलचे आमिष दाखवून त्याच्यावर अनैसर्गिक अत्याचार केल्याचा प्रकार समोर आला आहे. याप्रकरणी संशयिताला सातपूर पोलिसांनी अटक केली असून, पोस्कोअन्वये गुन्हा दाखल करण्यात आला आहे. (Unnatural abuse at satpur of minor Suspect arrested Crime Update Latest Marathi News)

गणेश बाळू वाघमारे (३०, रा. सातपूर) असे संशयित नराधमाचे नाव आहे. पीडित मुलाच्या वडिलांच्या फिर्यादीनुसार, संशयित वाघमारे हा पीडित अल्पवयीन मुलाला खाण्यापिण्याचे आमिष दाखवून स्वत:च्या घरात बोलावून घेत असे.

त्यानंतर तो त्यास मोबाईलवर अश्‍लिल चित्रफिती दाखवत असे. तसेच, त्याच्यावर अनैसर्गिक अत्याचार केला. सदरचा प्रकार तो वारंवार करीत होता. याबाबत पीडित मुलाने सदरची बाब घरात सांगितल्यानंतर, पालकांनी पोलीसात धाव घेत तक्रार दिली.

त्यानुसार पोलिसांनी संशयित वाघमारे यास अटक केली असून, त्याच्याविरोधात अनैसर्गिक अत्याचार व पोस्कोअन्वये गुन्हा दाखल करण्यात आला आहे. सदरील गुन्ह्याचा तपास वरिष्ठ पोलीस निरीक्षक महेंद्र चव्हाण यांच्या मार्गदर्शनाखाली सुरू आहे.