Unseasonal Rain : वडेलसह काटवन भागात अवकाळी पाऊस

Nashik News : गाव व परिसरातील तालुक्यातील काटवन भागात शुक्रवारी (ता. ७) सायंकाळी वादळी वाऱ्यासह अवकाळी पावसाने हजेरी लावली तर काही भागात गारपिटीने तडाखा दिल्याने शेतीपिकांचे मोठे नुकसान झाले. (Unseasonal rain in Katwan area including Vadel nashik news)

तालुक्यातील वडेल, अजंग, डाबली, टिपे, कंक्राळेसह परिसरात अवकाळी पावसाने हजेरी लावल्याने काढणीस आलेल्या गहू, कांदा पिकांचे मोठे नुकसान झाले. शुक्रवारी सायंकाळी पाचला विजांचा कडकडाट सुरु झाला.

त्यानंतर सोसाट्याच्या वाऱ्यानंतर पावसाने जोरदार हजेरी लावली. अवकाळीने हाता तोंडाशी आलेला घास हिरावला. अनेक भागात कांद्याची काढणी सुरु आहे. खांडून ठेवलेला कांदा आवरत असताना शेतकऱ्यांची धावपळ उडाली. पावसात कांदे भिजल्याने मोठे नुकसान झाले. शेतकरी गहू, हरभरा हे सोंगणीला आलेले पीक झाकण्यासाठी धावपळ करताना दिसत होते.

'हेही वाचा : सामान्यांचा पैसा सुरक्षित ठेवण्यासाठीच Virtual Currency करकक्षेत