Dhule Unseasonal Rain : पिंपळनेरसह परिसरात अवकाळी; शेतकऱ्यांचे मोठे नुकसान

Dhule Unseasonal Rain : पिंपळनेर, कुडाशी, देशशिरवाडे, जेबापूरसह परिसरात अवकाळी पाऊस, कांदा व भाजीपाल्याचे नुकसान झाले.

त्यामुळे शेतकऱ्यांमध्ये चिंता व्यक्त झाली. पिंपळनेर शहरात दुपारी अडीचच्या सुमारास जोरदार पावसाला (Dhule Unseasonal Rain) सुरवात झाली. (unseasonal rain Big loss to farmers in area Pimpalner dhule news)

तब्बल पावणेदोन तास पाऊस बरसत राहिला, तसेच कुडाशी, देशशिरवाडे, जेबापूरसह परिसरात अवकाळी पाऊस झाल्याने कांद्याचे मोठे व भाजीपाल्याचे काही प्रमाणात नुकसान झाल्याचा अंदाज शेतकऱ्यांनी वर्तविला आहे.

गेल्या महिन्यात ६ मार्चला अवकाळी पाऊस बरसला होता. आता पुन्हा महिनाभरात दुसऱ्यांदा जोरदार अवकाळी पाऊस झाल्याने शेतकरी मोठ्या प्रमाणात नाराज झाले आहेत. सातत्याच्या नुकसानीने मेहनतीवर पाणी फिरले आहे.

हेही वाचा : सामान्यांचा पैसा सुरक्षित ठेवण्यासाठीच Virtual Currency करकक्षेत

परिसरातील काढणीला आलेल्या कांद्याचे नुकसान झाले आहे. कांद्यावर शेतकऱ्यांच्या बऱ्याचशा आशा अवलंबून असतात. शासनही हमीभाव देत नाही अन् अवकाळीही जगू देत नसल्याने अस्मानी संकटात बळीराजा सापडला. सरकारकडून कोणतीही मदत होत नसल्याने संतापही व्यक्त होत आहे. लवकरात लवकर सरकारकडून मदत व्हावी, अशी मागणी शेतकऱ्यांकडून होत आहे.