Nashik Accident News: ब्राह्मणपाडे गावानजीक गॅस वाहतूक करणारे वाहन उलटले; सुदैवाने जिवितहानी टळली

अंबासन, (जि.नाशिक) : ताहाराबाद नामपूर रस्त्यावरील ब्राह्मणपाडे गावानजीक असलेल्या उतार वळण रस्त्यावर गॅस सिलिंडर वाहतूक करणारे वाहन उलटल्याची घटना गुरूवार (ता.२५) दुपारी एकच्या सुमारास घडली सुदैवाने कुठलीही जिवितहानी झाली नाही.

मात्र सदर वाहनाचे नुकसान झाले आहे. (Vehicle transporting gas overturned near Brahmanpada village no loss of life Nashik Accident News)

ताहाराबाद नामपूर हा नेहमीचाच वाहनांसाठी वर्दळीचा रस्ता असून दुपारी एकच्या सुमारास ताहाराबादकडे रावळगाव मोतीवाले गॅस एजन्सीचे सिलिंडर घेऊन जाणाऱ्या वाहनात तांत्रिक बिघाड झाल्याने ब्राह्मणपाडे गावानजीक असलेल्या वळण रस्त्यावरील उतारावर अचानक उलटला.

सुदैवाने रस्त्यावर वाहतूक कमी प्रमाणात असल्याने मोठा अनर्थ टळल्याचे बोलले जात आहे. दरम्यान गॅस सिलिंडर वाहन उलटल्याची वार्ता परिसरात पसरताच नागरिकांच्या मनात धडकी भरली होती. अपघातानंतर कुणालाही दुखापत झाली नसली तरी वाहनाचे मात्र नुकसान झाल्याचे दिसून आले.