नाशिक : दरड कोसळल्याने मुळाणे बारी रस्ता बंद

वणी (जि. नाशिक) : चार दिवसांपासून सुरु असलेल्या संततधार पावसामुळे वणी - मुळाणे - कळवण मार्गावरील मुळाणेबारीत आज दुपारी तीन वाजेच्या सुमारास दरड कोसळल्याने मुळाणे बारी रस्ता बंद झाला आहे. (Wani Mulane Bari road closed due to landslide nashik latest monsoon news)

दरम्यान बाबापूर व मुळाणे येथील तरुणांनी प्रशासनाच्या मदत कार्याची वाट न पाहाता भर पावसात रस्ता वाहतूक सुरळीत करण्यासाठी स्वयंस्फूर्तीने श्रमदान करीत काही प्रमाणात रस्ता वाहतूकीसाठी खुला करण्याचा प्रयत्न केला आहे.