Nashik News : मुंबई नाका येथील कालिका पंपिंग स्टेशन येथे २० दशलक्ष लिटर क्षमतेचा नवीन जलकुंभ उभारला जाणार आहे. त्यासाठी दोन कोटी रुपयांची तरतूद करण्यात आली असून, या माध्यमातून जुने नाशिक भागातील पिण्याच्या पाण्याचा प्रश्‍न मार्गी लागणार आहे.
मुंबई नाका येथील कालिका जलकुंभावरून प्रभाग १४ मधील चौकमंडई, राजवाडा, मनोहर मार्केट, वडाळा नाका, नागसेनवाडी, गुरुद्वारा रोड, वासन ऑटो, सारडा सर्कल आदी परिसरात पाणीपुरवठा होतो. (Water tank of 20 lakh liter capacity on Kalika Pumping Nashik News)
सदर जलकुंभाची स्टेजिंग हाईट १२ मीटर असल्याने सदर परिसरातील नागरिकांना पुरेशा दाबाने पाणीपुरवठा होत नाही. तसेच जलकुंभाची क्षमता १३.५० लक्ष आहे. त्याचे बांधकाम १९८० मध्ये झाले आहे.
जलकुंभाच्या वितरण क्षेत्रात लोकसंख्या मोठ्या प्रमाणात वाढली आहे. कठडा व नानावली जलकुंभावरून बागवानपुरा, वझरे चाळ, शिवाजी चौक, भोई गल्ली, रॉकेल गल्ली, कठडा परिसर आदी परिसरात सकाळच्या सत्रात पाणीपुरवठा होतो.
कठडा जलकुंभाची क्षमता १५ लक्ष लिटर असून या जलकुंभाचे बांधकामही जुने व जीर्ण झाले आहे. कालिका पंपिंग स्टेशन येथे सद्यःस्थितीत १३.५० लक्ष लिटर क्षमतेचे जलकुंभ व त्यालगत दोन सम्प, एक पंप हाऊस बंद आहे. सदर जागा महापालिकेची असल्याने त्या जागेवर २० लक्ष लिटर्स क्षमतेचा जलकुंभ उभारण्याचा प्रस्ताव महापालिकेने तयार केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.