स्मार्टसिटीच्या नावाखाली गैरसोय होऊ देणार नाही - आमदार फरांदे

MLA Devyani Pharande
MLA Devyani PharandeSakal

नाशिक : शहरातील गावठाणात स्मार्टसिटींतर्गत (Smart City) सुरू असलेल्या विविध कामांमुळे नागरिकांसह व्यावसायिकांची गैरसोय होत असल्याच्या पार्श्‍वभूमीवर आमदार प्रा. देवयानी फरांदे (MLA Devyani Pharande) यांनी दहीपूल परिसरात कामांची पाहणी केली. या वेळी स्मार्टसिटीच्या नावाखाली नाशिककरांची गैरसोय होऊ देणार नसल्याचे आश्‍वासन व्यावसायिकांना दिले. (Will not allow inconvenience in the name of smart city says mla pharande)


मेन रोड व दहीपूल परिसरात रस्ते नूतनीकरण, भूमिगत गटार, पाणीपुरवठा योजनेची कामे सुरू आहेत. कामे करताना नागरिक, लोकप्रतिनिधींना विचारात घेतले गेले नसल्याने या संदर्भात प्रा. फरांदे यांच्याकडे तक्रारी प्राप्त झाल्या. या पार्श्‍वभूमीवर महापालिका, स्मार्टसिटी कंपनीच्या अधिकाऱ्यांसमवेत प्रा. फरांदे यांनी पाहणी केली. कामामुळे दहीपूल परिसरातील दुकाने रस्त्याच्या उंचीपासून एक मीटर खाली जाणार आहेत. त्यामुळे अनेक वर्षांपासून काम करणाऱ्या व्यावसायिकांचे नुकसान होणार असल्याचे मत व्यक्त केले. गावठाणात क्लस्टर विकसित करण्यासाठी चार एफएसआयचा प्रस्ताव आहे. त्यामुळे स्मार्टसिटींतर्गत विकासकामांवर होणारा खर्च वाया जाण्याचा धोका असल्याचे मत व्यक्त केले. पुराचा धोकादेखील वाढणार असल्याची भीती व्यक्त करण्यात आली. या वेळी शहर अभियंता संजय घुगे, कार्यकारी अभियंता संजय बच्छाव, नगरसेवक अजिंक्य साने, माजी नगरसेवक हरिभाऊ लोणारी आदी उपस्थित होते.



गावठाण क्लस्टर विकसित करण्यासाठी शासनाकडे प्रस्ताव आहे. क्लस्टरला परवानगी मिळाल्यास मोठ्या प्रमाणात झालेला खर्च वाया जाईल. कामांमुळे नाशिककरांचे नुकसान होऊ देणार नाही.
-प्रा. देवयानी फरांदे, आमदार


(Will not allow inconvenience in the name of smart city says mla pharande)

MLA Devyani Pharande
नाशिक शहरात १५१ घरे अतिधोकादायक

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com