पौरोहित्‍यातही महिलाराज : मंत्रोच्चारामुळे सत्तरीतही त्यांचा उत्‍साह कायम

वैशाली मिशाळ मूळच्या खानदेशातल्‍या, त्‍यांच्या आजीमुळे त्यांनी धार्मिकतेची गोडी निर्माण झाली होती.
Nashik News
Nashik News esakal

नाशिक : वैशाली मिशाळ मूळच्या खानदेशातल्‍या, त्‍यांच्या आजीमुळे त्यांनी धार्मिकतेची गोडी निर्माण झाली होती. त्‍यांनी ‘सकाळ’ शी संवाद साधताना त्‍यांच्या पौरोहित्‍याच्या प्रवासाविषयी वर्णन केले. आजही वयाच्या ७० व्या वर्षीही चार ते पाच तास एका ठिकाणी बसून पूजा करवून घेणे ही केवळ मंत्रोच्चाराची जादूच आहे, असे त्‍या म्‍हणाल्‍या. (Latest Marathi News)

वैशाली मिशाळ यांचे माहेर जळगावचे, आजीला प्रवचनासाठी तसेच पूजेअर्चेसाठी ने- आण करण्याची जबाबदारी ही त्‍यांच्यावरच असे.

Nashik News
पौरोहित्‍यातही महिलाराज : पूजकाचे समाधान हीच खरी पावती

तसेच माहेरी कुळधर्म, कुळाचार यथासांग होत. सासर अंमळनेरचे त्‍यामुळे खानदेशातील पंचक्रोशीत त्‍याचे सासरे मिशाळ गुरुजी प्रसिद्ध होते. आसपासच्या गावात ते पूजेसाठी आवर्जून जात. सासरचे सारे वातावरण हे पौरोहित्‍याचे. त्‍यामुळे पती नोकरीसाठी एचएएल येथे असल्‍याने नाशिक रोड येथे स्‍थित झाल्‍यावर राणी भवन येथे २००४ मध्ये प्रथम वर्गास प्रवेश घेतला. श्रीमती विनया तसेच परांजपे यांच्याकडे शिक्षण घेतले. तसेच, वेदोक्‍त शिक्षणासाठी श्रीमती दुगल यांचे मार्गदर्शन लाभले. तसेच यज्ञयाग, सामूहिक पठण, स्‍वाहाकार यात साने गुरुजी मार्गदर्शन करतात. गुरूंचे मार्गदर्शन हे प्रत्‍येक शिष्‍यासाठी प्रगतिपथावर नेणारे ठरते. श्री सुक्‍त, पुरुष सुक्‍त, महिन्म हे प्राणायामाचेच भाग आहे. त्‍यामुळे जीवन आरोग्‍यदायी होते.

Nashik News
पौरोहित्‍यातही महिलाराज : गुरूंच्या सान्निध्यात अशक्‍यही शक्य

घरातून विशेषतः त्‍यांच्या पतीकडून सहकार्य व पाठिंबा त्‍यांना मिळाला. मंत्रोच्चार मुळे नकारात्‍मक विचारांना अजिबात थारा नसतो. त्‍यामुळे जीवनशैलीतील सकारात्मकता वाढून जीवन सुखकर होते. पौरोहित्‍य करतानाच्या अनुभवात एके ठिकाणी सत्‍यनारायण पूजा सांगितली असता श्रोते मंडळीतील सर्वांनीच त्‍यांचे कौतुक केले तसेच वकील, इंजिनिअर, पीएच. डी. झालेल्‍या गृहस्‍थांनी दरवर्षीच्या पूजेसाठी आमंत्रण दिले. तो क्षण अतिशय प्रसन्नदायी होता. तसेच मंत्राच्या जादूनेच सत्तरीत असलेल्‍या वैशाली मिशाळ तेवढ्याच जोमाने पूजा सांगत आरोग्‍यदायी जीवन जगत आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com