नाशिक : कोरोनामुळे जगभरात लॉकडाउन सुरू झाल्याने अनेकांना घरून काम करण्याची मुभा देण्यात आली. "वर्क फ्रॉम होम'चा निर्णय घेत अनेकांनी घरी बसून कामे सुरू केली. मात्र दिवसभर लॅपटॉप, स्मार्टफोनचा वाढता वापर व बैठ्या कामाने शरीराची हालचाल होत नसल्याने अनेकांना लठ्ठपणाची समस्या जाणवू लागली आहे.
अपचन होण्याचे प्रमाण वाढले
कार्यालये व व्यवसाय बंद असल्याने शारीरिक हालचाली होत नसल्याने शरीरातील कॅलरीज जळण्याचे प्रमाण कमी झाले आहे. त्याचे रूपांतर अतिरिक्त चरबीत होऊन वजनात वाढ होत आहे. तसेच लॉकडाउनमुळे अनेकांच्या नोकऱ्या व व्यवसाय बंद झाले आहेत. यामुळे बेरोजगारी व आर्थिक तणावामुळे अनेकांना मानसिक तणाव जाणवू लागला आहे. परिणामी आहारात वाढ होऊ लागली आहे. घरी असल्याने झोप घेण्याचे प्रमाणही वाढले आहे. त्याचबरोबर पचनक्रियेशी निगडित समस्या जसे पित्त, बद्धकोष्ठता व अपचन होण्याचे प्रमाण वाढले आहे. तेलकट-तुपकट पदार्थांचे अतिरिक्त सेवन टाळले पाहिजे, तसेच नियमितपणे घरच्या घरी हलकेफुलके व्यायाम व योगा करणे गरजेचे आहे, असे तज्ज्ञांचे म्हणणे आहे.
वजन नियंत्रित ठेवण्यासाठी काय करावे?
- तेल-तुपाच्या पदार्थांचे सेवन टाळावे
- रोगप्रतिकारशक्ती वाढवण्यासाठी सकस आहार घ्यावा
- पालेभाज्या व मोसमी फळांचे सेवन करावे
- रोज दहा ते बारा ग्लास पाणी प्यावे
- फास्टफूड खाणे टाळावे
- घरी बनवलेले व ताजे पदार्थ खावेत
- व्हिटामिन "सी'युक्त फळे नियमित खावे
- रोजच्या आहारत संत्री, मोसंबी, लिंबू घ्यावे
दैनंदिन आहारात सकस व ताजा आहार घेणे गरजेचे आहे. तसेच रोगप्रतिकारशक्ती वाढवण्यासाठी आहारात फळे, कडधान्ये, पनीर, मशरूम, दूध, अंड्यांचे सेवन करायला हवे. कोरोनामुळे बाहेरील अन्नपदार्थ खाणे पूर्णपणे टाळायला हवे. - सोनाली हाटकर, आहारतज्ज्ञ
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.