नाशिक- आदिवासी समाजातील प्रतिभावंत खेळाडूंना अर्थसहाय्य करत आदिवासी विकास विभागाने त्यांच्या स्वप्नांना बळ दिले आहे. कुस्तीपटू विक्रम कुंदे याला या विभागाने तीन लाख ६० हजारांची मदत केली. या अर्थसहाय्यामुळे तो कुस्तीच्या आखाड्यातील डावपेच शिकणार आहे. .वाघेरा (ता. त्र्यंबकेश्वर) येथील रहिवासी विक्रम पांडुरंग कुंदे याला घरातूनच कुस्तीचे बाळकडू मिळाले. त्याच्या आजोबांनीही कुस्ती आखाडे गाजविले आहेत. आजोबांच्या पावलावर पाऊल टाकत विक्रमनेही अनेक स्पर्धा आणि जत्रेतील कुस्तीचे मैदान मारले. भुवनेश्वर (ओडिशा) येथे पार पडलेल्या शालेय कुमार राष्ट्रीय स्पर्धेच्या ५१ किलो वजनी गटाचे विजेतेपद त्याने पटकाविले आहे. .कुस्तीचे तंत्रशुद्ध शिक्षण घेण्यासाठी कुस्तीगिरांचे माहेरघर अर्थात कोल्हापूरला जाण्याचे विक्रमचे स्वप्न होते. मात्र, घरची आर्थिक परिस्थिती बेताची असल्याने त्याला मर्यादा आल्या होत्या. अखेर आदिवासी विकास विभागाकडून केंद्रीय अर्थसंकल्प योजनेंतर्गत कुस्ती खेळाच्या तयारीसाठी त्याला विशेष प्रोत्साहन म्हणून तीन लाख ६० हजार रुपयांचे अर्थसहाय्य मंजूर करण्यात आले आहे. विक्रम आता कोल्हापूरमधील शाहू विजयी गंगावेस तालीम संघात कुस्तीचा सराव करणार आहे. आयुक्त लीना बनसोड यांच्या हस्ते विक्रमचा सत्कार करण्यात आला. या वेळी उपायुक्त शशिकला अहिरराव, सहाय्यक प्रकल्प अधिकारी सुनील कायंदे, पांडुरंग कुंदे आदी उपस्थित होते..आर्थिक विवंचनेमुळे कुस्तीच्या तयारीला मर्यादा येत होत्या. मात्र, आता आदिवासी विकास विभागाच्या आर्थिक मदतीने कोल्हापूरमध्ये कुस्तीचे प्रशिक्षण घेण्याचे स्वप्न साकार होणार आहे. तज्ज्ञांच्या मार्गदर्शनाखाली कुस्तीचे डावपेच शिकता येईल.- विक्रम कुंदे, कुस्तीपटू .कुस्तीपटू विक्रम कुंदेला केंद्रीय अर्थसंकल्प योजनेंतर्गत कुस्तीच्या तयारीसाठी अर्थसहाय्य करण्यात येणार आहे. कोल्हापूरमध्ये त्याला कुस्तीचे धडे गिरविता येतील. या सराव कालावधीत शैक्षणिक नुकसान टाळण्याची जबाबदारी विक्रमवर राहणार आहे.- लीना बनसोड, आयुक्त, आदिवासी विकास विभाग.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
नाशिक- आदिवासी समाजातील प्रतिभावंत खेळाडूंना अर्थसहाय्य करत आदिवासी विकास विभागाने त्यांच्या स्वप्नांना बळ दिले आहे. कुस्तीपटू विक्रम कुंदे याला या विभागाने तीन लाख ६० हजारांची मदत केली. या अर्थसहाय्यामुळे तो कुस्तीच्या आखाड्यातील डावपेच शिकणार आहे. .वाघेरा (ता. त्र्यंबकेश्वर) येथील रहिवासी विक्रम पांडुरंग कुंदे याला घरातूनच कुस्तीचे बाळकडू मिळाले. त्याच्या आजोबांनीही कुस्ती आखाडे गाजविले आहेत. आजोबांच्या पावलावर पाऊल टाकत विक्रमनेही अनेक स्पर्धा आणि जत्रेतील कुस्तीचे मैदान मारले. भुवनेश्वर (ओडिशा) येथे पार पडलेल्या शालेय कुमार राष्ट्रीय स्पर्धेच्या ५१ किलो वजनी गटाचे विजेतेपद त्याने पटकाविले आहे. .कुस्तीचे तंत्रशुद्ध शिक्षण घेण्यासाठी कुस्तीगिरांचे माहेरघर अर्थात कोल्हापूरला जाण्याचे विक्रमचे स्वप्न होते. मात्र, घरची आर्थिक परिस्थिती बेताची असल्याने त्याला मर्यादा आल्या होत्या. अखेर आदिवासी विकास विभागाकडून केंद्रीय अर्थसंकल्प योजनेंतर्गत कुस्ती खेळाच्या तयारीसाठी त्याला विशेष प्रोत्साहन म्हणून तीन लाख ६० हजार रुपयांचे अर्थसहाय्य मंजूर करण्यात आले आहे. विक्रम आता कोल्हापूरमधील शाहू विजयी गंगावेस तालीम संघात कुस्तीचा सराव करणार आहे. आयुक्त लीना बनसोड यांच्या हस्ते विक्रमचा सत्कार करण्यात आला. या वेळी उपायुक्त शशिकला अहिरराव, सहाय्यक प्रकल्प अधिकारी सुनील कायंदे, पांडुरंग कुंदे आदी उपस्थित होते..आर्थिक विवंचनेमुळे कुस्तीच्या तयारीला मर्यादा येत होत्या. मात्र, आता आदिवासी विकास विभागाच्या आर्थिक मदतीने कोल्हापूरमध्ये कुस्तीचे प्रशिक्षण घेण्याचे स्वप्न साकार होणार आहे. तज्ज्ञांच्या मार्गदर्शनाखाली कुस्तीचे डावपेच शिकता येईल.- विक्रम कुंदे, कुस्तीपटू .कुस्तीपटू विक्रम कुंदेला केंद्रीय अर्थसंकल्प योजनेंतर्गत कुस्तीच्या तयारीसाठी अर्थसहाय्य करण्यात येणार आहे. कोल्हापूरमध्ये त्याला कुस्तीचे धडे गिरविता येतील. या सराव कालावधीत शैक्षणिक नुकसान टाळण्याची जबाबदारी विक्रमवर राहणार आहे.- लीना बनसोड, आयुक्त, आदिवासी विकास विभाग.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
