वाघेऱ्या डोंगरावरुन पडून तरुणाचा मृत्यु

Death
Death esakal

वणी (नाशिक) : वणी- पिंपळगाव रस्त्यावरील वाघेऱ्या डोंगरावरून पडल्याने वणी येथील युवकाचा मृत्यु झाला आहे. डॉ. आंबेडकरनगर येथील प्रेम दौलत गांगुर्डे (१८) हा मागील तीन दिवसांपासून बेपत्ता होता. आज सकाळी त्याबाबत माहिती कळाली. त्या अनुशंगाने पोलिस व काही ग्रामस्थांनी तपास केला असता वाघेऱ्या डोंगराच्या मध्यावर त्याचा मृतदेह आढळून आला. वणी पोलिस व ग्रामस्थांनी मृतदेह खाली आणला.

Death
अंगावर भिंत कोसळून युवकाचा जागीच मृत्यू

सुमारे 75 मीटर उंचीवरून पडल्याने त्याच्या डोक्याला मार लागून मृत्यू झाला असावा असा प्राथमिक अंदाज पोलिसांनी व्यक्त केला. तीन दिवसापासून प्रेम हा घरी आलाच नाही. नातेवाईकांनी त्याचा सर्वत्र शोधाशोध केली, परंतु ठावठिकाणा लागला नाही. त्याच्या मित्राकडे चौकशी केली असता हा प्रकार उघडकीस आला. वणीचे सहाय्यक पोलिस निरीक्षक स्वप्निल राजपूत व त्यांचे कर्मचारी तसेच काही सामाजिक कार्यकर्त्यांच्या मदतीने औताळे शिवारातून डोंगरावरून मृतदेह खाली आणत पंचनामा करून विच्छेदनासाठी वणी ग्रामीण रुग्णालयात नेण्यात आला. मृताचे मामा राजू काळे यांच्या माहितीवरून वणी पोलिस ठाण्यात अकस्मात मृत्यूची नोंद करण्यात आली आहे.

Death
रिक्षावर झाड कोसळल्याने चालकासह प्रवाशी महिलेचा मृत्यू

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com