नाशिक : तरुणावर प्राणघातक हल्ला; चहाच्या टपरीवरील प्रकार

नाशिक : नाशिक शहर व पुर्व भागातील लगतच्या काही गावांत वाढती गुन्हेगारी (crime) पोलिसांना (nashik police) आव्हान देणारी ठरते आहे. छोट्या मोठ्या गोष्टींवरून जीवे मारणे म्हणजे शुल्लक बाब झालेली दिसून येते. त्यात तुल्यबळ पोलीस, सणवार व इतर ड्युट्यांमधे तेही भरडले जात असल्याचे चित्र दिसून येते. गुरूवार (ता.२६) सायंकाळी एका तरुणावर चाकूने झालेल्या हल्ल्यात मृत्यू झाला. त्यातील आरोपी हे तरूण असल्याने, आजची तरुणाई कुठे भरकटत चालली आहे हे अभ्यासणे गरजेचे बनले आहे.

काय घडले नेमके?

नाशिकच्या म्हसरूळ भागात तुषार काळे या तरुणावर गुरुवार (ता.२६) रोजी सायंकाळी प्राणघातक हल्ला झाला. हा हल्ला आर टी ओ कॉर्नर - रासबिहारी लिंक रोडलगतच्या चहाच्या टपरीवर घडला. या हल्ल्यात संशयित आकाश काळेने तुषारच्या डाव्या मांडीत चाकू मारला. हा हल्ला केवळ चहा टपरी लावण्यावरून झालेल्या वादातून झाल्याचे समजते. हल्ला झाल्यावर तुषारला त्वरीत खाजगी रुग्णालयात दाखल केले. या उपचांरादरम्यान तुषारचा मृत्यु झाला. या प्रकरणी संशयित आकाश काळेला म्हसरूळ पोलिसांनी ताब्यात घेतले आहे.