Nashik Zilla Parishad : नाशिक जिल्हा परिषदेची क्रांती! 'मिनी मंत्रालय' मुदतीपूर्वीच पूर्ण; ७ नोव्हेंबरला मुख्यमंत्री फडणवीस यांच्या हस्ते उद्घाटन

नाशिक: जिल्हा परिषदेच्या नवीन इमारतीच्या बांधकामाला मंजुरी मिळताच कोरोना आला. कोरोना काळातील व्यत्यय, बांधकामाचा बदललेल्या आराखड्यात सुमारे दीड वर्षाचा कालावधी गेला. मात्र, प्रशासन व कंत्राटदाराने त्यावर मात करत एक वर्षे अगोदर या इमारतीचे काम पूर्ण करत ‘क्रांती’ घडविली आहे. इमारत पूर्ण होण्यासाठी जानेवारी २०२७ पर्यंत मुदत देण्यात आली आहे.