Nashik : ZPच्या नव्या CEOना निवासस्थानाची प्रतीक्षा!

Nashik ZP CEO Ashima Mittal
Nashik ZP CEO Ashima Mittalesakal

नाशिक : जिल्हा परिषदेच्या मुख्य कार्यकारी अधिकारी आशिमा मित्तल यांना रूजू होऊन दीड महिला उलटला असला तरी, त्यांना अद्याप शासकीय निवासस्थान मिळालेले नाही. तत्कालीन मुख्य कार्यकारी अधिकारी लीना बनसोड यांनी अद्याप शासकीय निवासस्थान न सोडल्यामुळे मित्तल यांना शासकीय विश्रामगृहावर राहण्याची नामुष्की आली आहे. येथे, त्यांना अनेक अडचणींचा सामना करावा लागत असल्याची चर्चा जिल्हा परिषदेच्या वर्तुळात आहे. (ZP new CEO Ashima mittal waiting for residence Nashik Latest Marathi News)

Nashik ZP CEO Ashima Mittal
Devendra Fadanvis | अंतर्मनात शिरल्यास ठाकरेंना उत्तरे मिळतील : फडणवीस

जिल्हा परिषदेच्या मुख्य कार्यकारी अधिकाऱ्यांना शासकीय निवासस्थान मिळते. श्रीमती बनसोड यांची २८ सप्टेंबर २०२२ ला बदली झाली. त्यांच्या जागी आशिमा मित्तल यांची नियुक्ती झाली. मित्तल यांनी २९ सप्टेंबरला सूत्रे स्वीकारत कामकाजाला सुरवात केली. तेव्हापासून मित्तल यांचा मुक्काम शासकीय विश्रामगृहावर आहे. बनसोड यांची पालघर येथील बदली रद्द झाली असून, आदिवासी विकास विभागात बदली झाल्याने त्या नाशिकमध्येच आहेत. बदली होऊन एक महिना उलटला तरी त्यांनी अद्याप शासकीय निवासस्थान सोडलेले नाही.

त्यांना दुसरीकडे शासकीय निवासस्थान मिळाले आहे. परंतु, त्याचे नूतनीकरण सुरू आहे. नूतनीकरण झाल्यावर त्या बंगल्यात स्थलांतर होणार असल्याचे समजते. दुसरीकडे, मित्तल यांना शासकीय विश्रामगृहावर जेवणासह इतर सर्वच गोष्टींची अडचण होत आहे. याबाबत अधिकाऱ्यांकडे चर्चा झाल्याचे बोलले जात आहे. शासकीय अधिकाऱ्यांची बदली झाल्यानंतर त्यांनी तत्काळ शासकीय बंगला सोडावा, असा नियम आहे. परंतु, काही अडचण असल्यास त्यांना तीन महिने बंगला स्वत:कडे ठेवता येतो. पण त्याचे स्वेअर फुटाप्रमाणे भाडे आकारले जाते. दरम्यान, जिल्हा परिषद आता काय भूमिका घेते, याकडे लक्ष लागले आहे.

Nashik ZP CEO Ashima Mittal
Public Service Commission Building : नवी मुंबईत साकारणार लोकसेवा आयोग भवन

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com