Nandurbar News : नवापूर वन विभागाने लाकूडसाठा पकडला

नवापूर : वन विभागाच्या पथकाने सोमवारी (ता. ३०) शहराजवळ असलेल्या नवरंग रेल्वे गेटजवळ तपासणी केली असता अवैध लाकडाचा साठा, ट्रक व रेल्वे गेटच्या बाजूला मिळाला. चार लाखांच्या मुद्देमालासाह आरोपीला पकडण्यात आले असून, गुन्हा दाखल करण्यात आला.

वन विभागाच्या कर्मचाऱ्यानी शहराजवळ असलेल्या नवरंग रेल्वे गेटजवळ तपासणी केली असता त्यात पंचरास जळाऊ लाकूड अवैध वाहतूक करताना ट्रक (जीजे १८, यू ७०८७) मिळून आला. या गाडीत ७० हजारांचा नऊ घनमीटर माल मिळून आला.

हेही वाचा : T+1 Settlement मुळे वाढेल शेअर बाजारातली उलाढाल

रेल्वे गेटच्या बाजूस परत तपासणी केली असता सागवानी लाकडाचे १८७ नग मिळून आले. त्याची किंमत एक लाख ४४ हजार ५९५ रुपये असून, ४.७१३ घनमीटर आहे. हा माल खासगी वाहनाने नवापूर वन विभागाच्या आगारात जमा केला.

एकूण मुद्देमाल चार लाख १४ हजार ५९४ रुपयांचा आहे. संशयित आरोपी तौफिक अमीर काझी (वय ३२, ह.मु. नवापूर) याच्यावर गुन्हा दाखल करण्यात आला.

कारवाईत वनक्षेत्रपाल मंगेश चौधरी, स्नेहल अवसरमल यांच्यासह वनपाल भिवाजी दराडे, संजय बडगुजर, सुनीता पाटील, शीतल तोरवणे, विजय तेले, वनरक्षक सतीश पदमर, कल्पेश अहिरे, रामदास पावरा, कमलेश वसावे, इलान गावित, विकास शिंदे, संतोष गायकवाड, कविता गावित, वाहनचालक आबा न्याहळदे, बाळा गावित यांचा सहभाग होता.