नवापूरला जुगार अड्ड्यावर छापा; 63 जण पोलिसांच्या ताब्यात | latest Marathi news | Sakal
sakal

बोलून बातमी शोधा

Raid on gambling den latest marathi news

नवापूरला जुगार अड्ड्यावर छापा; 63 जण पोलिसांच्या ताब्यात

नवापूर (जि. नंदुरबार) : तालुक्यातील बेडकीपाडा एमआयडीसीतील पत्र्याच्या शेडमध्ये जुगार अड्डयावर छापा टाकून पोलिसांनी ६३ जणांवर कारवाई करून ३५ लाखांचा मुद्देमाल जप्त केला.

बेडकीपाडा शिवारात एमआयडीसीमधील एका पत्र्याच्या शेडमध्ये जुगार सुरू असल्याची माहिती नाशिक विशेष पोलिस महानिरीक्षक डॉ. बी. जी. शेखर पाटील यांच्या पथकाला मिळाली. नाशिक व नंदुरबार पोलिसांनी गुरुवारी (ता. १८) पहाटे अवैध जुगार अड्ड्यावर संयुक्त कारवाई केली. याबाबत नवापूर पोलीस ठाण्यात गुन्हा दाखल झाला आहे. (Navapur raid on gambling den 63 people in police custody nandurbar crime latest Marathi news)

हेही वाचा: दहशतवादी संघटनांना पैसे पुरवणाऱ्या हवाला एजंटला अटक; दिल्ली पोलिसांची मोठी कारवाई

या कारवाईत ६३ जणांना पोलिसांनी ताब्यात घेतले असून, यात चार महिलांचा समावेश आहे. ३५ लाखांचा मुद्देमाल पोलिसांनी जप्त केला. या कारवाईत गुजरात व महाराष्ट्र राज्यातील हायप्रोफाईल पुरुष व महिलांचा समावेश असल्याचे बोलले जात आहे.

सूरज अश्विन जयस्वाल यांच्या पत्र्यच्या बंदिस्त शेडमध्ये रईस रशीद शेख (वय ३२, रा. गडी परीसर नवापूर, मुळ मालक) व इतर ६३ असे बेकायदेशीर झन्ना मन्ना नावाचा जुगार खेळताना आढळून आले. त्याच्याकडून ७ लाख ५३ हजार ४० रुपये रोख, चार ५२ पत्यांची कॅट, ५८ हजार रुपयांचे ९ मोबाइल, २७ लाख ५० हजार रुपयांच्या आठ चारचाकी वाहने, असा एकूण ३५ लाख ६१ हजार ४० रुपयांचा मुद्देमाल जप्त करण्यात आला. ही कारवाई विशेष पोलीस महानिरीक्षक डॉ. बी. जी. शेखर पाटील यांच्या मार्गदर्शनाखाली त्यांचे विशेष पथकातील अधिकारी व अंमलदारांनी केली.

हेही वाचा: इगतपुरीत टॅक्सीचालकांकडून प्रवाशांची लूट

Web Title: Navapur Raid On Gambling Den 63 People In Police Custody Nandurbar Crime Latest Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..