Dhule : नवविवाहितेची आत्महत्या

शिरपूर (जि. धुळे) : महिनाभरापूर्वी लग्न झालेल्या विवाहितेने (Newly Wed) जोयदा (ता.शिरपूर) येथील दोंदवाडेपाड्यात गळफास (hanging) लावून आत्महत्या (suicide) केली. ही घटना शुक्रवारी (ता.१६) सायंकाळी उघडकीस आली. (Newly Wed woman commits suicide Dhule News)

मनीषा तोताराम पावरा असे मृत महिलेचे नाव आहे. तिचे माहेर न्यू बोराडी (ता.शिरपूर) येथील असून तिने नर्सिंगचे प्रशिक्षण घेतले होते. तिचा पती तोताराम पावरा खासगी वैद्यकीय सेवेत आहे. राहत्या घरात तिचा मृतदेह गळफास लावलेल्या अवस्थेत आढळला. नीलेश पावरा याने तिला उपजिल्हा रुग्णालयात दाखल केले. वैद्यकीय तपासणीत तिचा मृत्यू झाल्याचे आढळले. तालुका पोलिस ठाण्यात आकस्मिक मृत्यूची नोंद करण्यात आली.