Dhule News : साक्रीच्या फळांची आखाती देशांत गोडी अन् डाळिंब, सीताफळ उत्पादक झाले लखपती! | Sakal
sakal

बोलून बातमी शोधा

Laborers packing pomegranates & Farmers Subhash Bhamre, Rajendra Bhamre, Sahebrao Bhamre inspecting sitafal before packing.

Dhule News : साक्रीच्या फळांची आखाती देशांत गोडी अन् डाळिंब, सीताफळ उत्पादक झाले लखपती!

म्हसदी (जि. धुळे) : राज्यात दुसऱ्या क्रमांकाचे क्षेत्रफळ असलेल्या साक्री तालुक्यातील डाळिंब, सीताफळाने आखाती देशांतील बाजारपेठा काबीज केल्या आहेत. बांगलादेश, दुबई, श्रीलंका, रशिया आदी आखाती देशांत या फळांना मागणी असते.

पारंपरिक शेतीला छेद देत आधुनिक तंत्रज्ञानाच्या स्वीकारामुळे ‘लखपती’च काय, तर बैलगाडीने प्रवास करणारा बळीराजा वातानुकूल चारचाकी वाहनांचा धनी बनला आहे. फळ शेतीमुळेच तालुक्यातील अनेक शेतकऱ्यांना शासनाने ‘कृषिभूषण’ पुरस्कारानेही गौरविले आहे. (sakri fruits favourites in Gulf countries pomegranate custard apple producers become millionaires Dhule News)

नवनवीन प्रयोगांतून विकासपर्व घडवत कृषी क्षेत्रात अग्रेसर अशी साक्री तालुक्याची नवी ओळख निर्माण होत आहे. गेल्या काही वर्षांपासून तालुक्यात सिंचनाची सुविधा बऱ्यापैकी असल्याने पारंपरिक पिकाची जागा फळ, भाजीपाला पिकाने घेतली आहे.

यात डाळिंबासह पेरू, आंबा, टरबूज, पपई, खरबूज, सीताफळ यांसारखी पिके घेतली जात आहेत. तंत्रशुद्ध पद्धतीने शेतीमुळे संबंधित शेतकऱ्यांचे जीवनमान उंचावले आहे.

पीक पॅटर्न बदलास प्राधान्य

साक्री तालुक्यात काटवन, माळमाथा, पश्चिम आणि दक्षिण पट्टा असे प्रचलित चार भाग पडतात. फळशेतीत काटवन परिसरातील शेतकरी अग्रेसर दिसतात. टरबूज, पपई, शेवग्याच्या शेतीतही प्रावीण्य मिळवीत शेतकरी प्रगत झाला आहे.

काळगाव, ककाणी, दारखेल, जेबापूर, नवडणे, बेहेड, छाईल, दिघावे, उंभरे येथील डाळिंब, सीताफळ, शेवग्याने बाहेरच्या बाजारपेठेत स्थान मिळविले आहे. उत्पादनाचे मार्केटिंग कसे करावे हे शेतकरी समजून घेत आहेत. पीक पॅटर्न बदलण्यास शेतकरी प्राधान्य देत आहेत.

हेही वाचा: Jindal Fire Accident: जिंदाल अग्नितांडवातील ढिगाऱ्याखाली एक मृतदेह आढळला! अजूनही 83 कामगार बेपत्ता

विक्रीचे नियोजन आत्मसात

अलीकडे ‘पिकवणे सोपे... विकणे अवघड’ अशी अवस्था शेती व्यवसायाची झाल्याची रड असते. त्यावर मात करत शेतकऱ्यांनी कोणत्या वेळेस मागणी असेल अशी वेळ ठरत बागांचे नियोजन केले. तसेच विक्रीचे अचूक नियोजन आत्मसात केले आहे.

तालुक्यातील दर्जेदार फळांनी आखाती देशांतील व्यापाऱ्यांना भुरळ घातली आहे. बांधावर येऊन पॅकिंगमधील फळे व्यापारी खरेदी करत आहेत.

हेही वाचा : ५० वर्षांनंतर ज्येष्ठ नागरिकांची संख्या होणार तरुणांच्या दुप्पट

हेही वाचा: Jindal Accident: जिंदालमध्ये जिल्हाधिकाऱ्यांनी भेट देत घेतला मागोवा; 724 कामगार सुरक्षिततेचा दावा

साक्री ः फळशेतीची स्थिती (आकडेवारी हेक्टर क्षेत्रात)

पेरू.........................४३

लिंबू........................१२

आंबा........................७४

पपई..........................०८

सीताफळ....................३२

द्राक्षे..........................१५

केळी.........................२८

डाळिंब......................२४६

"काळगावसारख्या लहान गावाने शेतीतूनच क्रांती केल्याचे समाधानकारक चित्र आहे. शेती परवडत नाही ही फक्त रडकथा असल्याचे सिद्ध करत जिद्द, मेहनत, नियोजनपूर्वक वेगळी शेती केल्यास यश हमखास आहे." -संजय निंबा भामरे, कृषिभूषण, काळगाव, ता. साक्री

हेही वाचा: TET Result: हौसे- नवसे परीक्षार्थींमुळे टीईटीच्या निकालाचे वाजताय बारा! यंदा निकाल साडेतीन टक्के