शिरपूर- मोलमजुरी करणाऱ्या आई-वडिलांचे दैन्य फिटावे, असा चंग बांधून कठोर परिश्रम करीत येथील राजश्री राजेंद्र भिल हिने मुंबई पोलिस दलात नुकतीच नियुक्ती मिळवली. तिच्या यशाबद्दल माजी नगराध्यक्ष भूपेशभाई पटेल यांच्या हस्ते सत्कार करण्यात आला. .शहरातील वाल्मिकनगर येथील राजेंद्र भिल यांची राजश्री ही मुलगी आहे. श्री. भिल व त्यांचे कुटूंब मोलमजुरी करतात. मात्र, मुलीला शिकवण्याचा चंग बांधून त्यांनी नेहमीच उत्तेजन दिले. येथील श्रीमती एच. आर. पटेल कनिष्ठ महाविद्यालयातून बारावी, तर एच. आर. पटेल कला महाविद्यालयातून संरक्षणशास्त्र विषयात तिने पदवी मिळवली. .पोलिस दलात जाण्याचे स्वप्न बाळगून तिने तयारी सुरू केली. दरम्यान, गृहरक्षक दलासह बेकरीवर अर्धवेळ काम करुन ती कुटुंबाला हातभारही लावत होती. येथील आमदार अमरिशभाई पटेल, आमदार काशीराम पावरा व माजी नगराध्यक्ष भूपेशभाई पटेल यांच्या संकल्पनेतून साकारलेल्या आमदार अमरीशभाई पटेल पोलिस भरती केंद्राच्या माध्यमातून तिने शास्त्रशुद्ध प्रशिक्षण घेतले..भरती प्रक्रियेतील गुणवत्तापूर्ण प्रदर्शनामुळे तिला मुंबई पोलिस दलात नियुक्ती देण्यात आली. तिच्या यशाबद्दल एस. व्ही. के. एम. संस्थेचे अध्यक्ष आमदार अमरिशभाई पटेल, आमदार काशीराम पावरा, सह-अध्यक्ष भूपेशभाई पटेल, विश्वस्त राजगोपाल भंडारी, सीईओ डॉ. उमेश शर्मा, प्रशिक्षण केंद्राचे मुख्य प्रशिक्षक तथा निवृत्त पोलिस निरीक्षक अन्साराम आगरकर यांनी तिचा सत्कार केला. प्रशिक्षक सुभाष पावरा या वेळी उपस्थित होते..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
