मुंबई- देशातून होणारी स्मार्टफोनची निर्यात एप्रिल ते जानेवारी या कालावधीत विक्रमी १.५५ लाख कोटी रुपयांवर पोहोचली आहे. सरकारच्या उत्पादन निगडित प्रोत्साहन (पीएलआय) योजनेच्या मदतीमुळे निर्यातवाढीला चालना मिळाली. .निर्यातीने आर्थिक वर्ष २०२४ मधील १.३१ लाख कोटी रुपयांचा टप्पा ओलांडला. केवळ जानेवारीत २५० अब्ज रुपयांची निर्यात झाली असून, ती आतापर्यंत एका महिन्यात झालेली सर्वाधिक निर्यात आहे. जानेवारी २०२४ च्या तुलनेत ही वाढ तब्बल १४० टक्क्यांनी जास्त आहे..जानेवारीपर्यंतच्या गेल्या दहा महिन्यांतील निर्यात आर्थिक वर्ष २४ च्या याच कालावधीत झालेल्या ९९,१२० कोटी रुपयांच्या निर्यातीपेक्षा ५६ टक्क्यांनी जास्त आहे.यापैकी जवळपास ७० टक्के वाटा हा अॅपल आयफोन विक्रेत्यांचा असून, फॉक्सकॉनच्या निर्यातीत मागील आर्थिक वर्षाच्या याच कालावधीच्या तुलनेत ४३ टक्के वाढ झाली आहे, तर जवळपास २२ टक्के निर्यात ही टाटा इलेक्ट्रॉनिक्सकडून झाली आहे..टाटा इलेक्ट्रॉनिक्स ही कंपनी विस्ट्रॉनकडून ताबा घेतल्यानंतर कर्नाटक युनिटमध्ये त्यांचे उत्पादन वेगाने वाढवत आहे, तर १२ टक्के वाटा तामिळनाडू येथील पेगाट्रॉनचा आहे, ज्यात टाटा इलेक्ट्रॉनिक्सने हिस्सेदारी विकत घेतली आहे. .एकूण निर्यातीपैकी सुमारे २० टक्के वाटा हा सॅमसंगचा आहे, तर उर्वरित वाटा हा देशांतर्गत कंपन्या आणि व्यापारी निर्यातीचा आहे.दुसऱ्या क्रमांकावर झेपदेशातून निर्यात केल्या जाणाऱ्या उत्पादनांमध्ये दशकभरापूर्वी स्मार्टफोन ६७ व्या क्रमांकावर होते, आता ते दुसऱ्या क्रमांकावर आहेत. सरकारने २०२० मध्ये ‘पीएलआय’ योजना सादर केली आणि एप्रिल २०२१ मध्ये ती पूर्णपणे लागू करण्यात आली, त्यानंतर प्रत्येक वर्षात स्मार्टफोनची निर्यात वाढली आहे. ही निर्यात आर्थिक वर्ष २०२१ मधील २३,३९० कोटी रूपयांवरून जवळ दुप्पट वाढून आर्थिक वर्ष २०२२ मध्ये ४७,३४० कोटी रुपयांवर पोहोचली, तर आर्थिक वर्ष २०२३ मध्ये ती ९१,६५२ कोटी रूपयांवर पोहोचली. आर्थिक वर्ष २०२४ मध्ये ही वाढ थेट १.३१ लाख कोटी रुपयांवर गेली आहे..आर्थिक वर्ष २५ मध्ये स्मार्टफोन निर्यात २० अब्ज डॉलरवर किंवा १.६८ लाख कोटी रुपयांपर्यंत पोहोचेल, अशी अपेक्षा आहे.-अश्विनी वैष्णव, केंद्रीय माहिती तंत्रज्ञानमंत्री.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
