Dhule News: इंग्रजीचा पेपर दिला अन् मुलाने केला पित्याचा अंत्यविधी; मन सुन्न करणारी घटना

Dhule News
Dhule Newsesakal

शिरपूर : इंग्रजीचा पेपर देण्यासाठी तयारी पूर्ण झालेली असतांना अचानक वडिलांचे निधन झाले. संपूर्ण कुटुंबावर दु:खाचा डोंगर कोसळला. पण कर्तव्यपूर्तीची उर्मी उसळून आली. पित्याचा मृतदेह घरात ठेवून तो अत्यंत गांभीर्याने परीक्षेला सामोरा गेला. पेपर देऊन आल्यावर मुलाचे कर्तव्य बजावत त्याने वडिलांचे अंत्यसंस्कार केले. मन सुन्न करणारी ही घटना तालुक्यातील विखरण गावात घडली आहे.

Dhule News
Dhule News : चारही शिक्षिका लेकींनी दिला आईला खांदा अन् मुखाग्नी

विखरण (ता.शिरपूर) येथील भाऊसाहेब झुलाल पवार (वय 50) यांचे सोमवारी (ता.6) पहाटे आकस्मिक निधन झाले. त्यांचा मुलगा हर्षल दहावीच्या वर्गात असून त्याचा सोमवारी इंग्रजी विषयाचा पेपर होता. घरात वडिलांचा मृतदेह असतांना पेपरला कसा जाऊ म्हणून त्याच्या मनाची चलबिचल सुरु झाली. मात्र घरातील मंडळी व नातलगांनी त्याला धीर देत आधी विद्यार्थ्याचे कर्तव्य बजावण्यास सांगितले.

Dhule News
Hailstorm Dhule : धुळ्यात जबरदस्त गारपीट! शेतकऱ्यांचे पिकं भुईसपाट

घरातून तो निर्धारित वेळेत साने गुरुजी विद्यालयातील परीक्षा केंद्रावर पोचला. दरम्यान त्याच्यावरील आपत्तीची माहिती शिक्षकांनाही मिळाली होती. त्यांनीही हर्षलचे सांत्वन करुन त्याला धीर दिला. पेपर पूर्ण सोडवून तो घरी पोहचला. त्यानंतर भाऊसाहेब पवार यांची अंत्ययात्रा काढून अंत्यसंस्कार करण्यात आले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com