Wedding Season : यंदा विवाहाचे भरगच्च मुहूर्त; विवाहाच्या 61 तिथी

Wedding Season : खानदेशात आषाढी एकादशी ते कार्तिकी एकादशीपर्यंत विवाह बंद असतात. आता विवाहांचा धूमधडाका सुरू झाला आहे. या वर्षी गेल्या वर्षीपेक्षा अधिक विवाह तिथी अधिक आहेत. तब्बल ६१ तिथी आहेत. जानेवारी व फेब्रुवारीमध्ये सर्वाधिक विवाह तिथी आहेत. मे व जूनमध्ये एकही तिथी नसल्याने चाकरमान्यांमध्ये नाराजी राहणार आहे.(this year is great time for marriage dhule news)

खानदेशात कार्तिकी एकादशी झाल्याबरोबर विवाहाचा धूमधडाका सुरू झाला आहे. आतापासून बॅंडपथक, मंगल कार्यालय, केटरर्स आदी बुक होत चालले आहेत. मागील वर्षी रेंगाळलेले विवाह आता डिसेंबरमध्ये होत आहेत. धुळे जिल्ह्यात दुष्काळी परिस्थिती आहे. गेल्या पाच महिन्यांपासून बाजारात मंदी आहे. आता विवाहांना प्रारंभ झाला आहे. परिणामी बाजारात बऱ्याच अंशी तेजी येण्याची आशा व्यावसायिकांमध्ये निर्माण झाली आहे.

नोव्हेंबर ते जुलैपर्यंतच्या लग्नाचे मुहूर्त

नोव्हेंबर : २७, २८, २९

डिसेंबर : ६, ७, ८, १४, १५, १७, २०, २१, २५, २९

जानेवारी : २, ३, ४, ५, ६, ८, १७, २२, २७, २८, ३०, ३१

फेब्रुवारी : १, ४, ६, १२, १३, १४, १७, १८, २६, २७, २८, २९

मार्च : ३, ४, ६, ११, १६, १७, २६, २७, ३०

एप्रिल : १, ३, ४, ५, १८, २०, २१, २२, २३

जुलै : ९, ११, १२, १३, १४, १५

मे व जूनमध्ये करा विवाह बिनधास्त

''या वर्षी विवाह तिथी अधिक आहेत. मे व जूनमध्ये नाहीत. पण विवाहयोग्य वय झाल्यानंतर प्रत्येक दिवस तिथीच असते. तेव्हा मुहूर्त नसताना पुरोहिताच्या साक्षीने विवाह लावण्यास काहीच अडचण नाही.''-दुर्गेश जोशी, पुरोहित, कापडणे